ПРО-Лига, “А” гуруҳи. 6-тур. Энг тезкор гол ва бошқалар ҳақида

6-турда жами 13та гол қайд этилди. Шундан 6тасини мезбон жамоалар киритган бўлса, қолган 7та тўп меҳмонлар фойдасига ёзилди.

Учрашувларнинг биринчи таймида мухлислар 8та голга гувоҳ бўлди. Иккинчи бўлимда эса яна 5та тўп киритилди.

Турнинг энг тезкор голи 4-дақиқада содир бўлди. “Хоразм”нинг тўпурар ҳужумчиси Қадамбой Нурметов “Машъал”га қарши учрашувда биринчи бўлиб ҳисобни очди. Эътиборлиси 22 ёшли ҳужумчи ушбу голи билан тўпурарлар рўйхатида пешқадамлик қилмоқда.

Аксинча турнинг энг сўнгги голи 84-дақиқада киритилди. “Сурхон” аъзоси Сардор Эминов захирадан майдонга тушиб, “Динамо” дарвозасига ғалаба келтирувчи голни урди.

Қизиғи, ушбу турда жамоалар 2тадан кўп гол ура олишмади. Шунингдек ҳеч бир жамоа ўз дарвозаси даҳлсизлигини сақлаб қола олмади. Бундан ташқари 3та ўйинда бир хил ҳисоб – 2:1 натижаси кузатилди.
Ҳакамлар 4та ўйинда жами 6та (!) пенальти белгилади. Суҳроб Неъматов (“Сурхон”), Отабек Нарзуллаев (“Шўртан”), Наврўз Ҳаипов (“Орол”) 11 метрлик нуқтадан аниқ фойдаланган бўлса, Шаҳзод Убайдуллаев (“Машъал”), Мўйдин Мамазулумов (“Динамо”) ва Элдор Бойматов (“Андижон”) пенальтидан унумли фойдалана олмади.
 Ушбу турда дублга эришган ва автогол муаллифлари кузатилмади.

6-турда кимлар гол урди?
1. Қадамбой Нурметов – “Хоразм”.
2. Муҳаммадқодир Раҳимберганов – “Хоразм”.
3. Сардор Абдураимов – “Машъал”.
4. Шохжаҳон Қиличев – “Машъал”.
5. Отабек Нарзуллаев – “Шўртан”.
6. Баҳодир Муртазоев – “Норин”.
7. Санжар Баратов – “Норин”.
8. Наврўз Ҳаипов – “Орол”.
9. Даврон Исоқов – “Андижон”.
10. Суннатилло Мамадалиев – “Андижон”.
11. Суҳроб Неъматов – “Сурхон”.
12. Сардор Эминов – “Сурхон”.
13. Ҳакимхон Аламхонов – “Динамо”.