Португалия ва Колумбия ЖЧ-2026 учун мўлжалланган либосларини тақдим этди

"Puma" компаниясини 2026 йилги Жаҳон чемпионати учун Португалия терма жамоасига ушбу янги сафар либосини яратишга илҳомлантирди. Ундаги асосий эътиборни тортадиган жиҳат шундаки, терма жамоа рамзи одатдагидек чап томонда эмас, балки либоснинг қоқ марказида жойлашган.

Португалия футбол федерацияси эркаклар терма жамоасининг 2026 йил июнь ва июль ойларида АҚШ, Мексика ва Канадада бўлиб ўтадиган Жаҳон чемпионатида фойдаланадиган янги муқобил либосини тақдим этди.

"Денгиз илдизлари"дан илҳомланган ҳолда "Puma" яратган ушбу либос ўзига хос деталга эга – мамлакат терма жамоасининг герби ҳамда бренд логотипи футболканинг марказидан жой олган.

Колумбия ҳам сафар ўйинлари ва ЖЧ-2026 учун мўлжалланган либосини тақдим этди. Федерация маълумотларига кўра, ушбу экипировка орқали ўзига хослик, табиат ва футбол маданиятини ягона креатив концепция остида бирлаштириш мақсад қилинган: "Терма жамоанинг янги либоси бизнинг денгизларимиздан дунёга келмоқда".

Мазкур либос орқали Колумбиянинг ўзлигига ва мамлакатни ўраб турган икки океанга эҳтиром кўрсатиш кўзда тутилган. Экипировка дизайнига келадиган бўлсак, унда Кариб денгизига ишора қилувчи баъзи деталлар билан бирга Тинч океанининг тўқ кўк ранги асос қилиб олинган.

"Федерация учун мамлакатимизнинг шундай ёрқин элементларини ўзида мужассам этган либосни тақдим этиш жуда аҳамиятлидир. Колумбияни ўраб турган денгизлар бизнинг ўзлигимизнинг бир қисми ҳисобланади. Терма жамоамиз Жаҳон чемпионатида киядиган либосда ушбу илҳомни кўриш барча колумбияликлар учун ғурур бағишлайди", – деди Колумбия футбол федерацияси президенти Рамон Хесурун.

Эслатиб ўтамиз, Португалия ва Колумбия терма жамоалари 2026 йилги жаҳон чемпионати гуруҳ босқичида Ўзбекистон ва минтақалараро плей-офф ғолиби билан беллашади.