Ўзбекистонда ёзги трансфер ойнаси даври ўзгарди
23 мар 15:33
Янгиликлар

Ўзбекистонда ёзги трансфер ойнаси даври ўзгарди

Бу ҳақда ПФЛ матбуот хизмати хабар берди.

Лига ўтган йилнинг август ойида ишлаб чиққан тақвим режа бўйича Суперлига беллашувларининг катта қисми шанба ва якшанба кунига тўғри келиши, шунингдек, мавсумнинг биринчи давраси июнь ойида тўлиқ якунига етиб (эвазига Кубок форматига ўзгартириш киритилганди), иккинчи давра ёзги трансфер ойнасидан кейин ўз вақтида старт олиши режалаштирилганди.

Шундан келиб чиқиб, Лига FIFA TMS порталида Ўзбекистондаги ёзги трансфер ойнасини 22 июнь — 24 июль сифатида белгилаганди.

Миллий терма жамоанинг 5 майдан эътиборан йиғинга киришиши Лига режалари ўзгаришига олиб келди. Эндиликда мавсумнинг биринчи давраси танаффусга қадар ниҳояланмайди. Фақатгина 6 август санасига келибгина Суперлиганинг дастлабки 15 тури ортда қолади.

Шундан келиб чиқиб, Лига клублар билан маслаҳатлашган ҳолда ёзги трансфер ойнаси даврига ўзгартириш киритди. Эндиликда бу давр 8 июлдан старт олади ва 1 0август санасига қадар давом этади.

Ҳавола :

Манба : pfl.uz

Янгиликларни Телеграмда ўқинг!

Рейтинг: +1