Ўзбекистон кубоги. "Қизилқум" Қўқонда пенальтилар сериясида ғолиб бўлди, "Динамо" мусобақани тарк этди
25 июн 20:45
Янгиликлар
Ўзбекистон кубоги. "Қизилқум" Қўқонда пенальтилар сериясида ғолиб бўлди, "Динамо" мусобақани тарк этди
Ўзбекистон Кубоги / 3-босқич
25 июнь, сешанба
18:00 - ДИНАМО – ЯШНОБОД 2:3
Ҳакамлар: Исхак Ибрагимов, Дамир Искандеров, Даврон Жуманиёзов, Достон Раҳмонов
Назоратчи: Вилоят Нажафалиев
Комиссар: Шохруҳ Саид.
Голлар: Санжар Баратов 28, - 1:0. Рустамхон Азимов 74, - 1:1. Азамат Бойматов 76, - 1:2. Воҳид Шодиев 77, - 2:2. Рустамхон Азимов 94, - 2:3.
"Динамо": Шоҳруҳ Эшбўтаев, Аваз Агалиев, Тимур Шарипов, Низом Норов, Воҳид Шодиев, Отабек Нарзуллаев, Санжар Баратов, Сирож Ҳамроев, Комил Шарофутдинов, Максимилиан Фомин, Дилмурод Каримов.
"Яшнобод": Абдукарим Муҳаммедов, Юсуф Алимов, Ислом Исмоилов, Расул Раҳмонбердиев, Аббос Саидкаримов, Шокир Бекназаров, Бекзод Аҳмедов, Рустам Азимов, Жўрабек Эргашев, Амирбек Файзиев, Муҳаммад Комилов.
Четлатишлар: Амиржон Сафаров 84, Дилмурод Каримов 98.
18:00 - ҚЎҚОН-1912 – ҚИЗИЛҚУМ 2:2 (Пенальтилар серияси 6:7)
Ҳакамлар: Шавкат Насибуллаев, Тимур Галеев, Равиль Шояхмитов, Иброҳим Исмоилов
Назоратчи: Рашид Айтеков
Комиссар: Сардор Қудратуллаев
Голлар: Медина Смит 18, - 0:1. Шаҳбоз Эркинов 49, - 1:1. Жавоҳир Эсонқулов 112, - 2:1. Мақсуд Каримов 117, - 2:2.
"Қўқон-1912": Исломжон Абдуллаев, Жамшид Ҳасанов (Муҳаммаданас Ҳасанов, 83), Темур Ҳакимов (Қувондиқ Рўзиев, 57), Ойбек Рустамов, Жасур Ҳасанов (Авазхон Маматхўжаев, 70), Суҳроб Бердиев, Иқбол Маликжонов, Шаҳбоз Эркинов (Жавоҳир Эсонқулов, 107), Александр Мерзляков, Марко Милич, Мурод Холмуҳаммедов.
Захира: Сарвар Каримов, Беҳруз Садиллоев, Тимур Усмонов, Жасурбек Ёқубов, Дилшоджон Баратов.
"Қизилқум": Евгений Черемисин, Эркин Бойдуллаев, Мурод Бобожонов (Элгужа Григалашвили, 78), Алишер Саноев (Хуршиджон Олимов, 96), Элдор Бойматов, Муҳсин Убайдуллаев, Шерали Жўраев, Азиз Усмонов (Миржалол Қосимов, 85), Мақсуд Каримов, Суҳроб Ярашов (Акмал Рустамов, 100), Медина Смит.
Захира: Артём Макосин, Сардор Жаҳонов.
Огоҳлантиришлар: Ойбек Рустамов 30,
Ўхшаш янгиликлар
championat.asia
ЖЧ-2022 иккинчи саралаш босқичига қуръа ташланди. Ўзбекистон гуруҳи билан танишинг
"Сурхон" таркибига 4 нафар бразилиялик футболчи келиб қўшилди
ЎФА Азиз Турғунбоев масаласида бир тўхтамга келган “Пахтакор” ва “Навбаҳор” клубларига миннатдорчилик билдирди
Ўзбекистон футбол ассоциациясининг навбатдан ташқари Конференциясида янги президент сайланди
Фикрлар
Маколангиз вашше БОМБА чикибди!!!
Б.а.баянни танкид килиш керак эди... Килган ишлари учун....
АЙРИМЛАР ТАНКИД КИЛИШ УРНИГА КУКЛАРГА КУТАРИШ БИЛАН ОВОРА!!!
Сизга омад тилаб ФАХРИДДИН. ЭРУДИТ!
Иккаласи ярашиб. Опок-чапок буволганку....)))
xaloyiq dinamani oyini koringlar yana owa hakam isxoq ibragimov 2ta qizil berdi Xorazm mashal oyinidanam wu hakam edi wunday xatolari evaziga muxlislar jumbuwga keldi
Самвел Бабаян «Локомотив» бош мураббийи бўлди. Ҳа, ўша машҳур Самвел Бабаяннинг ўзгинаси. Ўзи хоҳлаган футболчиларни ўйнатиб, халқнинг ғазабига учраган, кучсиз жамоаларни енгганида майдонни ўпавериб одамларни зада қилган, охирги матбуот анжуманида мағлубиятга изоҳ ҳам бера олмай, кетиб қолган Бабаян. Бутун умр футболдан четлатилган ва кейинчалик қатъиятсиз футбол раҳбарлари томонидан БУТУН УМРЛИК дисквалификацияси 2 ҳафтада бекор қилинган Бабаян.
Шунча гапдан кейин ҳам яна катта саҳнага қайтган Бабаян шу қадар зўр мураббийми? Миллатнинг бош жамоасини пароканда қилиб кетган инсоннинг катта футболга қайтиши мухлисларга қандай таъсир қилади?
Рухсатингиз билан гапни узоқроқдан бошласак. Бабаяннинг миллий жамоага келишининг ўзи катта хато эди. Унинг қинғирликларини одамлар кўп йиллардан буён билишарди. Кейин эса бу фирибгарликлар ҳақида расман эълон қилинди ҳам. Оқибатда Бабаян бутун умрга дисквалификация қилинди. Кейин эса «Бунёдкор»нинг кафиллигида 2 ҳафтадан кейиноқ дисквалификация бекор қилингани маълум бўлди. Энди ана ўша мухлислар ғазабига дучор бўлган инсон оз эмас, кўп эмас нақ 3 йилдан буён мамлакат чемпиони бўлиб келаётган жамоага мураббий бўлди.
Ҳар бир клуб хоҳлаган мураббийини ишга қўйиши, хоҳлаган мураббийни ҳайдаши мумкин. Лекин бир нарсага ҳайронман, нима, Ўзбекистонда ундан бошқа мураббий йўқми? Агар у шунчаки миллий терма жамоа билан муваффақиятсизликка учраган мураббий бўлса ҳам бошқа гап эди. Масалан, Қосимов ҳам, Абрамов ҳам бундай муваффақиятсизликка учраган, лекин улар ўз манфаатини миллий жамоа манфаатидан устун қўймаган. Қосимов ва Абрамов ҳурмат-эҳтиром кўриб ишлашда давом этишмоқда. Чунки бу мураббийлар қўлларидан келганини қилишган. Қосимов икки марта ҳам имкониятдан фойдалана олмади, бунга қурби етмади. Абрамов асосий саралаш босқичидаги биринчи ўйиндан кейиноқ истеъфога чиқарилди ва бу футболимиз тарихидаги энг катта хатолардан бири бўлганди, дейиш мумкин.
Бабаян эса ўз футболчиларининг трансфер нархини кўтариш учун уларни бош жамоада ўйнатган. Бу гапни мен ўйлаб топганим йўқ, расман эълон қилинган.
Шахсан менинг фикримча, Бабаянни мураббий қилиб қайтариш шунча бўлиб ўтган ишлардан сўнг ўзбек футболига, унинг мухлисларига нисбатан ҳурматсизлик. Чунки бу инсоннинг номи одамларга кўп нарсани англатади. Яна такрорлайман, қандай мураббийни ишлатиш клубларнинг ўз иши. «Локомотив» хоҳласа Рустам Мирсодиқовни олиб келиб бош мураббийликка тайинласин, хоҳласа «дисквалификация қилишмаса балки Моуриньога айланиб кетиши мумкин бўлган Мўминжонов»дан дисквалификациясини олдириб ташлаб, ишлатсин. Мўминжонов «атиги» 5 йилга четлатилган, бутун умрга четлатилган Бабаян икки ҳафтадаёқ оқланганини инобатга олсак, 5 йиллик «қизил карточка»ни бекор қилиш «хамирдан қил суғургандай» осон иш мантиқан.
Демак, «Локо» мураббийларига қайтсак, жамоа хоҳласа Моуриньони олиб келсин, лекин Бабаян бу алоҳида мавзу. Ҳатто қонунда ҳам истисно бор. Бабаян айнан мана шундай истисно!
У қўпол қилиб айтганда бутун халқнинг устидан кулиб кетганди! Энди эса футболга қайтиб Шомуродовнинг миллий жамоа етакчисига айланганига ҳисса қўшганини даъво қилмоқда. Етмаганига ҳамма нарсани унутишни сўради. Энг ачинарлиси, Бабаянни қаҳрамондек кутиб олаётганлар жуда кўп... Уни кучли менежер деб бот-бот такрорлайдиганлар диққатига: Бабаян кучли менежер бўлиб нимани қойиллатган? Шундоғам мавжуд бўлган «Пахтакор» академиясидаги ёш футболчиларни ҳар хил жамоаларга сотишнинг нимаси маҳорат? «Пахтакор» футболимиз тарихидаги энг кучли ва энг катта жамоа. Шундай экан, бу ерда яхши футболчилар бўлиши Бабаянга боғлиқ эмас. Унгача ҳам бу жамоадан кучли футболчилар чиққан, усиз ҳам «Пахтакор» кунини кўраверади.
Бабаян ҳақида гапирганда негадир Одил Аҳмедовнинг катта пул эвазига трансфер қилинганини эслашади. Жаноблар, Одилнинг Россия чемпионатига йўл олишига Бабаяннинг қандай алоқаси бор? Одил ўртамиёна футболчимидики уни трансфер қилиш учун кимнингдир жонбозлиги талаб этилса? У кучли футболчи бўлгани учун хорижга йўл олганди, кимнингдир саъй-ҳаракатлари сабаб эмас. Одил ўшанда кучли жамоага кетгани, бугунги кунда Хитойда катта маош олиб ўйнаётгани бу фақат ва фақат ўзининг меҳнатлари самарасидир.
Ўша кучли менежер ҳисобланган Бабаян бассейнига логотипини ёпиштириб қўядиган даражада яхши кўрадиган «Пахтакор»ини қандай аҳволга ташлаб кетганини унутдингизми? Бу ишларга ҳали кўп бўлгани йўқ. «Пахтакор»нинг янги раҳбарияти Бабаян қилган ишларни тўғрилаш учун қанча сарсон бўлганига ҳамма гувоҳ. Майли, Бабаянга ҳеч қандай адоватимиз йўқ, унга фаолиятида фақат омад тилаймиз. Лекин бир нарсага ҳайрон қоляпман, фақат ёмон ишлари билан ёдда қолган инсон нега бунчалик кўкларга кўтарилмоқда? Бабаян чемпионатдаги интригани оширади, у кучли мураббий, тенгсиз менежер деган гаплар сафсата-ку?! Кечирасиз, лекин Бабаянни бугунги кунда чемпионатда ишлаётган Абрамов, Қосимов, Бердиев каби мухлислар орасида ҳурмат қозонган мураббийлар билан бир қаторда эътироф этиш тўғри эмас.
Бабаян жуда яхши вақтда «Локо» мураббийи бўлди. Масалан, у «Динамо»га қарши ўйин олдидан тайинланганида Самарқанддаги қизиққон мухлислар Бабаянни «жуда илиқ кутиб олган бўлишарди». Чунки Бабаяннинг Самарқандга охирги ташрифи жуда эсда қоларли бўлган. Равшан Ҳайдаров мураббийлигидаги «Динамо» «Пахтакор»га жиддий қаршилик кўрсатган ва ўйиннинг асосий вақти 1:1 ҳисобида якунланганди. Кейин ҳакам ўйинга 5 дақиқа қўшган ва «Пахтакор» қўшиб берилган 9-дақиқада (!) гол урганди. Албатта, бу ишларда Бабаяннинг зиғирча айби йўқ, лекин мухлислар бу сафсатага ишонишмаганди. Ўша ўйиндан сўнг «Пахтакор» автобуси тошбўрон қилинган, Бабаяннинг «Эпика»сини ҳам мухлислар кўтариб уришганди. Ҳа, машинани 4 томонидан кўтариб ерга уришганди. Бундай агрессияга сабаб бўлиш учун майдонда қандай воқеалар бўлганини тасаввур қилаверинг.
«Локо» биринчи давранинг охирги турини ўз майдонида «Сўғдиёна»га қарши ўтказади ва шу билан танаффус бошланади. Бу орада ҳар хил таъсирли видеолар, Бабаяннинг даҳо экани ҳақида мақолалар чиқиб содда мухлисларнинг фикрини ўзгартиришга ҳам эришишса керак. Шу ўринда Бабаяннинг айнан мана шу жабҳада кучли тактик эканига тан бериш керак. Жаноб Бабаянга янги иш жойида омад тилаган ҳолда уни кўкка кўтараётганларидан бир нарсани сўраган бўлардим: илтимос, ҳамма нарсани ўз номи билан атайлик...