Отабек Ҳайдаров: "Голим мухлисларимизга байрам совғаси бўлсин"
10 сен 2016 19:25
Янгиликлар

Отабек Ҳайдаров: "Голим мухлисларимизга байрам совғаси бўлсин"

“Қизилқум” – “Қўқон-1912” жамоалари ўйинидан сўнг қўқонликларнинг ягона голи муаллифи , ҳужумчи Отабек Ҳайдаровнинг ўйин ҳақидаги фикрларини сўрадик.

- Бугун жуда қийин учрашув бўлишин олдиндан кутган эдик. Чунки “Қизилқум” жамоаси бу йил ҳар йилгидан анча кучли ўйин намойиш қилмоқда. Биз учун эса бундан буёғига ҳар бир очко муҳим ҳисобланади. Шунинг учун мураббийларимиз бизни олдимизга ғалаба қозонишни мақсад қилиб берган эдилар . Агар бугун яратилган вазиятлардан фойдаланганимизда Навоийдан уч очко билан қайтган бўлар эдик.

Ўзимни ўйинимга эса мухлис ва мутахасислар баҳо бергани маьқул. Анча муддат майдонга тушмай , катта футболни соғинган эдим. Шу ўринда бош мураббийимиз Нўьмон Хасановга ишонч билдирганлари учун раҳмат айтмоқчиман.

Бугунги натижада барча жамоадошларимнинг ҳиссалари бирдек бўлди. Биз бугун мезбонлардан кўра кўпроқ иштиёқ билан майдонга чиқдик. “Қизилқум” дарвозасига урган голим мухлисларимизга ҳайит байрамига совға бўлсин - дейди Отабек Ҳайдаров.

"Қўқон-1912" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +5