"Милан" клуби ҳужумчиси Оливе Жиру тез орада МЛСнинг "Лос Анжелес" клуби билан шартнома имзолайди. АҚШ клуби Жируга 2025 йилнинг охиригача мўлжалланган шартнома тақдим қилган. Бу ҳақда таниқли инсайдер Фабрицио Романо хабар берди.
Маълумот учун, "Лос Анжелес" Жируга қизиқиб қолгани октябрь ойида маълум бўлганди. Бир неча ҳафта олдин эса Жируга расмий таклиф берилган. Тез орада футболчи АҚШ клуби сафига ўтади.
