Нўъмон Ҳасанов "Нефтчи" - "Пахтакор" учрашувидан олдин: "Жамоаларнинг бу мавсумдаги ўйинларига хулоса қилишга эрта"

Тажрибали мураббий Нўъмон Ҳасанов "Нефтчи" - "Пахтакор" баҳсидан олдин жамоаларнинг ҳолатига тўхталиб ўтди. 

"Нефтчи" қўрқмасдан, бошидан босим қилиб тўп тепса ютади. Чунки жамоа ўйинчилари ва жамоавий ўйин кучлироқ. Маслаҳатим, ҳисобда олдинга чиқиб олган жамоа ўша босимда ва темпда ўйнашда давом этиши керак. Ўзининг темпини йўқотмаслиги лозим. 

"Пахтакор" стабил ўйин кўрсатмаяпти. Жамоага вақт керак. Футболчилар бир-бири билан ҳали киришиб кетмагандек кўриняпти. Бу йилги ўйинлар тўғрисида хулоса чиқаришга ҳали эрта. Менга жамоаларнинг ўтган йилги ўйинлари кўпроқ ёқаётган эди. Мухлисларга ёқадиган ўйин кўрсатишаётганди",- дейди Нўъмон Ҳасанов.