Наврўз Алимов: “Ёшлар қўлидан келганча ҳаракат қилди, аммо даража барибир ўз сўзини айтди. Бундай баҳсларда асосий мақсад - тажриба орттириш”.
- Сизнинг жамоангиз ОКМКга ҳам йирик ҳисобда таслим бўлган. Футболчилар бундай баҳсларда ўсишга эришганини сезяпсизми?
- Албатта. Асосийси йигитларнинг руҳи тушиб кетмади. ОКМКга мағлуб бўлганимиздан сўнг Миржалол Қосимов кийиниш хонасига кириб, таслим бўлмаслик кераклигини айтиб, миннатдорчилик билдириб, йигитларга мотивация бериб кетган.
- Ўзбекистон Кубоги шундай ёш жамоалар учун реклама майдони ҳисобланади. Шундай баҳслардан сўнг футболчиларга қизиқиш бўляптими?
- Мақсадимиз - “Арал” ва “Жайхун”га футболчи етказиб бериш. Икки йилдан бери шу вазифани бажариб келмоқдамиз ва ҳар йили янги жамоа тузамиз. Шу икки йил ичида 10 дан ортиқ футболчи етиштириб бердик.
- Футболчи Наврўз Алимов билан мураббий Алимовнинг фарқи борми?
- Ҳозир анча босиқроқман. Футболчилик пайтимда ҳиссиётларга кўп берилардим, ҳозир эса катта бўлиб қолдик. Изланишда, ўрганишда давом этиб, футболчилар етиштириб беришга ҳаракат қиламиз.
- Ўзбекистон Кубогида “Навбаҳор”ни фаворит сифатида кўряпсизми?
- “Нефтчи” ва “Навбаҳор”ни етакчи сифатида кўряпман деган бўлардим. Кубок финалида водий дербисиям бўлсин.
