– Учрашув ҳақида фикрларингиз...
– Гувоҳи бўлганингиздек, таркибимиз ёш. "Хоразм"ни кейинги босқичга чиққани билан табриклайман ва оамд тилайман. Ўйин ёшлар учун тажриба бўлди. Мақсадимиз ҳам шу – Суперлига ва Пролига иштирокчиларга қарши баҳсларда тажриба орттириш ва Биринчи лигада юқори ўринларни эгаллаш.
– Ўйиндан қанчалик кўнглингиз тўлди?
– Ҳеч қачон мураббийнинг ўйиндан кўнгли тўлмайди. Қандайдир камчилик топилади. Хатолар устида ишлашга ҳаракат қиламиз. Ёшларга шунчаки қўрқмасдан футбол ўйнаш кераклигини таъкидладик. Бугунги ўйин аввалги икки турга қараганда яхшироқ бўлди, деб ўйлайман. "ФарДУ"га қарши баҳсда четлатиш сабабли қийинчиликка дуч келгандик. Бугун йигитлар Суперлига иштирокчиси дарвозасига учта тўп киритди. Ёшлар учун бу кўрсаткич қувонарли. Ҳар қандай жамоа ҳам Суперлигадаги клубга учта гол ура олмайди.
