Томас Мюллер ижтимоий тармоқлардаги саҳифасида Лионель Мессига бағишланган пост қолдирди. Аргентина терма жамоаси ҳужумчиси ЖЧ-2026 1-турида Жазоирга қарши ўйинда (3:0) хет-трик қайд этди. Лионель шу орқали Жаҳон чемпионатларида урилган голлар сони бўйича германиялик Мирослав Клозенинг рекордини такрорлади.
"Ванкувер Уайткэпс"нинг германиялик ярим ҳимоячиси МЛС чемпионатидаги ўйин олдидан Месси билан қўл бериб кўришаётган суратини жойлаштирди. "Бу йигит… 🐐", — деб ёзди Мюллер сурат остига ва уни олқишловчи анимация билан бойитди. Эчки (инглизча "goat") эмодзиси "барча даврларнинг энг буюк [ўйинчиси]" маъносини англатувчи GOAT акроними ўрнида ишлатилади.
