Мутко Россия терма жамоасини тарқатиб юборди
18 июл 2016 08:40
Янгиликлар

Мутко Россия терма жамоасини тарқатиб юборди

Россия спорт вазири Виталий Мутко мамлакат миллий терма жамоаси тарқатиб юборилганини маълум қилди.

Бунга Россия терма жамоасининг Евро-2016 баҳсларидаги ўта омадсиз иштироки ҳамда жамоа аъзолари Александр Кокорин ва Павел Мамаевнинг Монте-Карлодаги тунги барларнинг бирида ўтказган кўнгилхушлиги сабаб бўлган.

– Терма жамоа йўқ, уни тарқатиб юбордик, – дея Россия спорт вазирининг сўзларидан иқтибос келтирмоқда life.ru.

Эслатиб ўтамиз, Леонид Слуцкий истеъфога чиқарилганидан сўнг айни пайтда янги мураббийни ишга таклиф қилиш борасида музокаралар олиб борилмоқда. Янги мураббийлар штаби тасдиқланганидан сўнг янги терма жамоа шакллантирилади.

Ҳавола :

Манба : life.ru

Янгиликларни Телеграмда ўқинг!

Рейтинг: +26