UZ

Сўнгги янгиликлар

21:15Салоҳ ғалати гаплар билан интернетдаги барча аккаунтларини ўчириб ташлади  4 20:51Омар Моманидан янги карикатура: "Милан"га ўтган польшалик гангстер  4 20:24Расман: Балотелли жамоасини ўзгартирди  10 20:20Андрей Канчельскисни табриклаймиз!  11 20:17Эмери МЮ билан ўйин ҳақида: "Бу энг зўри бўлади"  10 19:50"Арсенал" Денис Суарес трансфери борасида "Барселона" билан келиша олмади  9 19:24Луис Суарес: "Ҳар бир футболчи Клопп билан ишлашни хоҳлайди"  13 19:00Olamsport: Фазлиддин Ғоибназаров учун давлат мукофоти, Нурхон Нафасовга нисбатан жиноий иш очилган ва бошқа хабарлар  1 18:59Айнан ушбу кунда Азар болбойни ургани учун қизил олганди ФОТО  15 18:48Расман: Ўзбекистон Олимпия терма жамоасини сербиялик мураббий бошқаради  85 18:43Ўткир Юсупов "Навбаҳор" йиғинига бориб қўшилди ФОТО  37 18:29"Нант" Саланинг трансфер пулини қайтариб берадиган бўлди  25 18:15Сарри Игуаиннинг трансферини эълон қилиб юборди  14 17:58РАСМАН: Эмилиано Сала вафот этди. "Нант" ва "Кардифф" мухлисларга видолашув ташкил қилди ФОТОГАЛЕРЕЯ  79 17:44CAS "Барселона" борасидаги сўнгги қарорга келди  20

Муҳсин Убайдуллаев - Мексика, жароҳат ва Элгужа ҳақида Янгиликлар

Муҳсин Убайдуллаев - Мексика, жароҳат ва Элгужа ҳақида

Ўзбекистон ўсмирлар терма жамоаси собиқ ҳимоячиси Муҳсин Убайдуллаев ушбу мавсумни "Қизилқум" сафида бошлади.

Жамоанинг асосий футболчисига айланиб бўлган Убайдуллаев билан суҳбат қуришга қарор қилдик.

- Одатий савол, футболга қандай кириб келгансиз?

- Футболга киришим жуда ажойиб бўлган. Тахминан 15 ёшда ўзим туғилиб ўсган Бувайда туманидаги болалар ва ўсмирлар спорт мактаби стадионда машғулот ўтказятган болаларни томоша қилиб ўтирганимда бирдан биринчи мураббийим Ҳошимжон Ўтановга бориб мени ҳам синаб кўришини сўрадим шунда у майли форманг бўлса кийиб бизга қўшил дегандилар.
 
- Профессионал футболга қандай ўтгансиз?

- Тошкентдаги тайёрлов гуруҳлари ўртасидаги чемпионатга Фарғона вилояти шарафини ҳимоя қилиб борганмиз. Ушбу мусобақада қатнашганимизда Алексей Eвстафеев ва Аҳмаджон Мусаев мени Ўзбекистон ўсмирлар терма жамоасига таклиф этишганди. Йиғинда қатнашган пайтда Тошкентнинг “Пахтакор” клуби билан биринчи профессионал шартномамни тузганман. Фурсатдан фойдаланиб ўз йўлимни топиб кетишимда менга футбол сабоқларини ўргатган Хушбек Қосимов ва Рустам Ариповларга ўз миннатдорчилигимни билдираман.


 
- 2011 йилда сиз U-17 Жаҳон чемпионатида иштирок этгансиз. Мексикадаги мундиалдан қандай хотиралар қолган?

- Мексикадан ажойиб таассуротлар билан қайтганмиз. Дунёнинг нариги чеккасига бориб у ердаги маҳаллий мухлисларни ўзимизга қарата олгандик. Жаҳоннинг энг кучли 8 терма жамоаси орасига кира олгандик. Мураббийлар жуда ҳам аҳил жамоани йиғишган эди. Ғалабаларимизнинг омили бирдамлилигимизда эди.
 
- “Пахтакор” клубида деярли майдонга тушмагансиз. Фарғонанинг “Нефтчи”га ўтиш қандай амалга ошган?

- 2015 йилда Мурод Исмоилов “Нефтчи” бош мураббийи эди ва мени ўз жамоасига таклиф қилди. Ўйланиб ўтирмасдан бу таклифни қабул қилиб “Нефтчи” жамоаси билан шартнома туздим. Мурод Исмоилов Мексикадаги мундиалга ёрдамчи мураббий сифатида борган эди. Шу боис ушбу мураббийни жуда яхши билар эдим.
 
- Бу йил бошида сизни Муборакнинг “Машъал” клубига ўтганингиз эълон қилинганди. Бироқ мавсумни “Қизилқум” сафида бошладингиз.

- Тўғри йил бошида “Машъал” билан шартнома тузгандим. Лекин жамоа ПРО-лигада иштирок этадиган бўлди. Шунда “Машъал” клуби раҳбарлари кимда Суперлигадан таклиф бўлса кетишимиз мумкинлигини айтишди. Бу орада Ҳамиджон Актамов Навоийнинг “Қизилқум” клубига таклиф қилди.
 
- Демак "Машъал" сизни ижарага берган?

- Йўқ, "Қизилқум"дан таклиф тушгач "Машъал" билан келишган ҳолда шартномани бекор қилгандик. Айни пайтда Навоий клубининг тўлақонли аъзоси ҳисобланаман.


 
- "Қизилқум"нинг бу йилги мақсади қандай?

- Суперлига бу йилдан янги форматда ўтказилмоқда. Биринчи босқичда "Қизилқум" ўз олдига кучли олтиликка киришни мақсад қилиб қўйган.
 
- Ушбу мавсум кашифёти сифатида тилга олинаётган Элгужа Григалашвили билан бир жамоада тўп тепаяпсиз. У қандай инсон?

- Футболчи сифатида жуда профессионал. Инсонлик томондан майдонда ҳам, унинг ташқарисида ҳам жуда ҳам самимий ва қувноқ инсон.
   
- Юқорида Суперлига янги форматга ўтди дедингиз. Янги мавсум ҳақида фикрларингиз қандай?

- Бу йилги баҳслар жуда ҳам шиддатли ўтмоқда, жамоалар ва ўйин савияси ҳам ўсган. Энг асосийси барча ўйинлар томошабоп ва қизиқарли кечмоқда. Биронта учрашув осон ўтаётгани йўқ.
 
- Футболда омадлиман дея оласизми?

- Албатта омадлиман. Сабаби фаолиятимда умуман жиддий жароҳат олмаганман, бундан кейин ҳам бўлмасин.


 
- Ёшликда футболга кириб келганда ўз олдингизга қандай мақсад қўйгансиз?

- Кичкиналигимда мақсадим битта эди хорижда ўйнаш. Худо хоҳласа шу мақсад сари интилишда давом этаман.
 
- Шу кунгача хориж клубларидан таклиф бўлганми?

- Йўқ ҳозирча бўлмаган. Бироқ ҳали ёшман ва таклиф бўлишига ишонаман.
 
- "Қизилқум" бош мураббийи Ҳамиджон Актамовга қандай таъриф берасиз?

- Ҳамиджон Ғуломович жуда ҳам босиқ ва ўз ишига профессионал ёндашадиган мураббий.
 
- ОАВ орқали кимларга раҳмат айтмоқчисиз?

- Юқоридаги санаб ўтган барча инсонларимга раҳмат айтмоқчиман. Доим соғ-саломат бўлишсин. Футболчиларни тарбиялашдан чарчашмасин.

Нарзулла Сайдуллаев суҳбатлашди

Рейтинг: +5   

Фикрлар

championat.asia
< сўнгги янгиликларни кўриш

Энг яхшилар

Осиё Кубоги-2019. Австралия пенальтилар сериясида Ўзбекистондан устун келди Осиё Кубоги-2019. Австралия пенальтилар сериясида Ўзбекистондан устун келди
Осиё Кубоги нимчорак финалидан ўрин олган Австралия - Ўзбекистон...  1870
Эктор Купер: "Шогирдларим билан, жамоам билан фахрланаман" Эктор Купер: "Шогирдларим билан, жамоам билан фахрланаман"
Австралия - Ўзбекистон учрашувидан кейинги матбуот анжуманида дастлаб ...  638
Эркин фикр! Осиё Кубогини ютиш керакми ёки ЖЧга тайёргарлик? Эркин фикр! Осиё Кубогини ютиш керакми ёки ЖЧга тайёргарлик?
Кўпчилик ўқувчиларнинг ичига сиғмай кетаётган гаплар учун эркин фикр...  600
Купер услуби ўзбек футболига бегона Купер услуби ўзбек футболига бегона
Ўзбекистон терма жамоаси учун жуда эрта якунланган Осиё Кубоги ва...  390
������.�������

CA ни Facebook да ўқиш
учун "Yoqdi"ни босинг