Хорхе Месси ўтган жума куни узоқ давом этган хасталикдан сўнг 68 ёшида ҳаётдан кўз юмди.
"Дада, мен ҳамон сизнинг йўқлигингизга ишона олмайман. Бунга ишона олмайман, аниқроғи – истамайман. Сизни энди кўрмаслигимизни, бошқа ҳеч қачон гаплашмаслигимизни тасаввур қилиш мен учун жуда оғир. Биламан, сиз қийналдингиз ва бу яхшиликка, аммо сиз жуда эрта кетдингиз. Олдимизда биргаликда завқланишимиз мумкин бўлган ҳали кўп нарсалар бор эди.
Сиз сўнгги жаҳон чемпионатида ўйнашимни жуда қаттиқ сўрагандингиз, унинг бошланишига бир неча кун қолганида эса аҳволингиз ёмонлашганди. Бу сиз ёнимда бўлмаган илк турнирим эди. Аммо ойим сизнинг аҳволинг яхшиланишини ва кела олишингизни айтганди. Сизни келишингиз учун финалгача етиб боришимизни айтгандим.
Ҳар сафар ўйиндан сўнг сизнинг хабарингизни кутардим ва жуда соғинадигандим. Ўшанда ишлар чиндан ҳам чатоқ эканини тушуниб етдим. Аммо нима бўлганда ҳам, имкон борича узоқроққа бориш, сизга ҳеч бўлмаса битта ўйинни кўриш имкониятини бериш ҳақида ўйлашни давом эттирдим. Биз финалгача етиб бордик, лекин сиз барибир кела олмадингиз. Ғалабани олиб келиб, сизга яна бир мукофотни кўрсатиш учун ютмоқчи эдим. Лекин уддалай олмадим – оёқларим аллақачон итоат қилмай қолган эди. Бу сафар жисмоний ҳолатимга қарши боришга ҳаракат қилдим, аммо натижа чиқмади. Ўзимни ҳеч қачон нормал ҳис қила олмадим.
Келганимда, сиз финалда пенальтилар сериясида ютқаздик деб ўйлагандингиз. Биз содир бўлган ҳамма нарса ҳақида гаплашиб улгурмадик. Сиз ҳеч нарсадан хурсанд бўла олмадингиз. Биз чемпион бўла олмадик, лекин ҳар бир ўйиндан қанчалик хурсанд бўлганимизни тасаввур ҳам қила олмайсиз. Ва яна бир бор сиз ҳақ бўлиб чиқдингиз – мен ўша ерда бўлиб, ўйнашим керак эди. Буларнинг барини сизга айтяпман, чунки бу биз гаплашиб улгурмаган ягона нарса. Қолган ҳамма нарсани ўзингиз аллақачон биласиз. Ҳар куни гаплашардик ва имкониятларим йўл қўйганда кўришардик.
Мен сизсиз нима қилишимни билмайман, бундан кейин қандай яшашни билмайман. Бутун ҳаётим давомида шунчаки футбол ўйнадим, энди эса буни давом эттираманми ёки йўқми ва қанча давом этишига шубҳа билан қараяпман. Сиз бошидан бери ёнимда эдингиз ва охирига жуда оз қолганди. Нима учун бу йўлни биргаликда якунлашимиз учун яна бироз чидамадингиз?
Биламан, оилангизнинг – хотинингизнинг, фарзандларингизнинг ва айниқса – фақат бошқалар буни билиб қолмаслиги учун – футбол ўйнаётганимни кўришдан бахтли эдингиз... Болалигимдан шундай эди. Ишдан қайтибоқ мени машғулотларга олиб борардингиз. Кўплаб машғулотларга мени ойим олиб борарди, чунки сиз ишда бўлардингиз. Лекин ўйинларимни, албатта, ҳеч қачон ўтказиб юбормасдингиз. Менинг ўйинимни кўриб шунчалик ҳаяжонланардингиз ва шунчалик хурсанд бўлардингиз, гарчи мақтовларда унчалик сахий бўлмасангиз ҳам.
Сиз мен учун ота, дўст ва агент эдингиз. Ҳар қандай вақтда ҳам сиз айнан ким бўлишингиз керак бўлса, ўша бўлгансиз ва ҳеч қачон янглишмагансиз. Айрим эътирозлар ва келишмовчиликларга қарамай, охир-оқибат ҳамиша сиз ҳақ бўлиб чиқардингиз. Ҳаммаси худди сиз айтганингиздек бўларди.
Сизни жуда соғинаман, лекин сиз ҳеч қачон ёнимдан кетмайсиз. Айниқса, фарзандларимни қандай тарбиялаётганимда, чунки мен уларни худди сиз мени тарбиялаганингиздек ўргатаман ва тарбиялайман. Охиратингиз обод бўлсин ва бу ерда қилганингиз каби бизни юқоридан қўриқланг. Ҳаммаси учун раҳмат. Сиз яхши кўраман, дада ❤️", – деб ёзди Месси Инстаграмда.
