Месси коронавирусга тест топширди

"Ole" хабарига кўра, Каталония футбол клуби раҳбарияти футболчининг уйига шифокорлар гуруҳини жўнатган ва улар форварддан тест олишган. Натижалар қониқарли чиққан тақдирда футболчига машғулотларни бошлаш учун рухсат берилади. Жамоа 7 сентябрь куни қароргоҳида йиғилиши кутилмоқда.

33 ёшли Месси клуб билан шартномасини бекор қилган ҳолда жамоани тарк этмоқчи бўлиб юргани боис анча вақтдан буён машғулотларда ҳам қатнашмади ва тиббий кўриклардан ҳам ўтмаганди.

Якунда у барибир клубда қолишга қарор қилди.