Мбаппе Испанияга қарши ўйинда янги ниқобда майдонга тушади
09 июл 21:14
Янгиликлар

Мбаппе Испанияга қарши ўйинда янги ниқобда майдонга тушади

Франция терма жамоаси ва "Реал Мадрид" ҳужумчиси Килиан Мбаппе Евро-2024 ярим финали доирасидаги Испанияга қарши ўйинда бошқа ниқоб остида ҳаракат қилади.

Эслатиб ўтамиз, Мбаппе гуруҳ босқичи доирасида Австрияга қарши ўйинда бурнини синдириб олгани сабабли ниқоб остида ўйнамоқда.

Испаниянинг Sport нашри хабарига кўра, футболчининг олдинги ўйинларда кийган ниқоби уни безовта қилиб, нафас олишида муаммо туғдирган.

Сўнгги тиббий текширувлар асосида ҳужумчининг бош ўлчамига мос равишда янги ниқоб ишлаб чиқарилган. Нашр унинг мустаҳкамлиги ва зарбаларга чидамлилиги туфайли Формула-1 каби спорт турларида қўлланилидиган қаттиқ пластик бирикмалардан тайёрланганини тасдиқлади.

Ҳавола :

Манба : Sport Espana

Янгиликларни Телеграмда ўқинг!

Рейтинг: +2