Микель Артета: "Барселона" "Ньюкасл" билан ўйинда Испаниядаги каби 1000 та пас ўйнай олмади"
14 мар 00:12
Янгиликлар

Микель Артета: "Барселона" "Ньюкасл" билан ўйинда Испаниядаги каби 1000 та пас ўйнай олмади"

"Арсенал" бош мураббийи Микель Артета нега мавсумнинг ушбу қисмида чиройли ўйнаш унчалик керак эмаслигини айтди.

"Ҳозир энг муҳими - ўз имконият даражасидан келиб чиқиб, энг яхши футболни намойиш қилиш ва ғалабаларга эришиш. Шу кунларда АПЛдаги ушбу энг муҳим нарсани билиб олдим.
"Ньюкасл" ва "Барселона"нинг ЕЧЛдаги ўйинини томоша қилдим. Мен учун "Барселона" - Европанинг энг кучли жамоаларидан бири. Улар ўзининг интенсивлиги, юқори прессинги билан ажралиб турадиган АПЛ жамоаси "Ньюкасл" билан тўқнаш келишди. Бу жамоанинг захира кучи катта ва ўтиш фазаларида жуда кучли.
Ва энди биз умуман бошқача, мен кўрмаган "Барселона"ни кўрдик. Бу "Ньюкасл"нинг катта хизмати эвазига бўлди. Биз айнан улар ўйнайдиган лигада ўйнаймиз.
"Барселона" "Ньюкасл" билан ўйинда Испаниядаги каби 1000 та пас ўйнай олдими? Йўқ. Бу умуман бошқа турнир. Бу чиройли кўриниши мумкинмиди? Ҳа. Айнан "Ньюкасл" ўйинни чиройли қилиб берди. Улар ишни яхши бажаришди. "Ньюкасл"га тан бериш керак", - деди "Арсенал" устози.

"Арсенал" навбатдаги учрашувини эртага "Эвертон"га қарши ўтказади.

Ҳавола :

Манба : arsenal.com

Янгиликларни Телеграмда ўқинг!

Рейтинг: +1