Испания ОАВ маълумотига кўра, "қаймоқранглилар" эътиборига Аргентина терма жамоаси ва Лондоннинг "Тоттенхэм" жамоаси марказий ҳимоячиси Кристиан Ромеро тушган. Хабар қилинишича, мадридликлар ҳимояни ёзги трансфер ойнасидаёқ кучайтириш имкониятини кўриб чиқмоқда.
27 ёшли аргентиналик футболчига нафақат "Реал", балки "Барселона" ва "Атлетико" ҳам қизиқиш билдирмоқда. Бу эса эҳтимолий келишувни Испания ичидаги ҳақиқий трансфер курашига айлантириши мумкин.
Ромеро 2022 йилнинг августидан бери "Тоттенхэм" шарафини ҳимоя қилиб келмоқда. Унинг Лондон клуби билан шартномаси 2029 йилнинг ёзигача амал қилади. Тахминий бозор қиймати 60 млн еврога баҳоланмоқда. Англияликлар бу каби трансферга осонликча рози бўлмаслиги аниқ.
