"Назаримда, ўйин амалиётим борлигининг ўзи ҳам ҳозирча ёмон натижа эмас. ПСЖга ўтишимни билиб, кўпчилик фаолиятимнинг камида бир йили ҳавога учишини айтишганди. Ўйинга тушаётганим, маълум дақиқаларда жамоа дарвозасини қўриқлаётганим ва асосий дарвозабон бўлиш учун курашаётганимдан бахтлиман. Шубҳасиз, бу яхши натижа.
Ўйин сифатига келадиган бўлсак — ҳар доим унданда яхшироқ ўйнашингиз мумкин. Ўйлашимча, агар мен кучлироқ бўлганимда бундан ҳам кўпроқ ўйин амалиётига эга бўлардим", — деди ПСЖ кипери "Okko Sport" эфирида.
