UZ

Сўнгги янгиликлар

01:12Суперлига-2025. Биринчи давранинг эсда қоларли лаҳзалари  0 00:45IBA раҳбари Кремлёв Смоловнинг жанжали ҳақида: "Футболчиларнинг интизоми билан боксчилар шуғулланиши керак"  0 00:26"Галатасарой" Осимхен учун 50+5 миллион евро таклиф қилди, "Наполи" кўпроқ сўраяпти  1 23:43Виталий Левченко: "Шартномам ноябрда якунига етади"  2 23:18Ҳаким Фузайлов: "Маҳаллий футболчилар Нарх ва Самиевлардан ёмон ўйнашмаяпти"  2 22:52Доннарумма агенти Нойернинг Мусиала жароҳати ҳақидаги сўзларига: "Мануэль 2014 йилда Игуаинни урганда ҳам, жароҳатланиш хавфини билиб турган"  2 22:26Шченсни "Барселона" билан янги битим имзолади  0 22:15Мбаппе судга берган аризасини қайтариб олди  4 22:00Суперлига. "Нефтчи" "Хоразм"ни мағлуб этди ва иккинчи ўринга чиқиб олди   37 21:07Акмал Мозговой БАА клубига ўтди  11 20:20Ўзбекистонлик ҳакамлар Президент кубоги (Индонезия) мусобақасида фаолият олиб боришади  1 19:47Анчелотти "Олтин тўп"га муносиб бўлган, лекин қўлга киритолмаган футболчи номини айтди  8 19:20"Антверпен" янги аъзоси Муҳаммадали Ўринбоев: "Ўзбекистонни янада танитишга ваъда бераман!"  27 18:49Расман: Муҳаммадали Ўринбоев – Бельгия клуби футболчиси!  15 18:35Доннарумма Мусиала туфайли психологга мурожаат қилди  2

Марказий Осиё. "Қайрат" кубокни тарк этди, "Истиқлол" очко йўқотди, Туркманистонда эса 4 тур кейинги ўйинлар ўтказилди Янгиликлар

Марказий Осиё. "Қайрат" кубокни тарк этди, "Истиқлол" очко йўқотди, Туркманистонда эса 4 тур кейинги ўйинлар ўтказилди

Марказий Осиё мамлакатлари чемпионатлари билан таништиришда давом этамиз.

ҚОЗОҒИСТОН

Ўзбекистонлик футболчилар

Одил Абдумажидов, Беҳруз Асқаров, Хуршид Мухторов, Шаҳбоз Умаров (барчаси – «Турон»)

Қозоғистон чемпионатида 8-тур ўйинлари якунланди. Унда қуйидаги натижалар қайд этилди:

«Женис» – «Қайрат» – 1:2

«Қизилжар» – «Улитау» – 2:1

«Туран» – «Атирау» – 1:0

«Астана» – «Тобил» – 1:3

«Жетису» – «Оқжетпес» – 1:3

«Ордабаси» – «Қайсар» – 5:0

«Ақтобе» – «Елимай» – 1:0

Турнир жадвалида «Қайрат» 23 очко билан пешқадамлик қилмоқда. Бир ўйин кам ўтказган «Ақтобе» 4 очко ортда қолган ҳолда энг яқин таъқибчи бўлиб турибди.

Тўпурарлар рўйхатида «Қайрат»нинг ёш форварди Дастан Сатпаев ва «Астана» ҳужумчиси Марин Томасов 6 тадан гол урган ҳолда етакчилик қилмоқда.

9-тур ўйинлари 17–18 май кунлари ўтказилади.

Шунингдек, мамлакат кубогининг чорак финал ўйинлари ўтказилди. Чемпионат турнир жадвалида етакчилик қилаётган «Қайрат» ушбу босқичда иштирокини якунлади. 

Ярим финалда қуйидаги жуфтликлар куч синашади:

«Қизилжар» – «Ордабаси»

«Тобил» – «Женис»

Ярим финал баҳслари 18 июнь санасида бўлиб ўтади.

ТОЖИКИСТОН

 Ўзбекистонлик футболчилар

Ҳамидулло Абдуҳакимов, Сардор Хурсандов, Миржалол Қосимов, Санжар Рихсибоев, Диёр Шавқиев, Иззатилла Турсунов, Зоир Турсунов (барчаси – «Эсхата»); Сухроб Бердиев, Бобур Қосимов, Абдужалил Маназаров, Мирзоҳид Мирзомаҳмудов, Жаҳонгир Сафаров, Сардор Саидов, Шаҳзод Шамсиддинов (барчаси – «Истаравшан»); Зафар Исмоилов («Ҳулбук»); Фирдавс Абдусалимов, Асилжон Бегимқулов, Ислом Тошпўлатов (барчаси – «Хўжанд»); Аюбхон Алимов, Рустам Қўчқоров (барчаси – «Панжшер»).

Тожикистон чемпионатида 8-тур ўйинлари ортда қолди. «Истиқлол» ва «Вахш» ўртасидаги марказий ўйинда ҳисоб очилмади. Мазкур икки жамоа турнир жадвалида етакчилик қилмоқда.

Тўпурарлар жадвалида эса биратўла 4 нафар футболчи бештадан гол урган ҳолда етакчилик учун кураш олиб бормоқда.

Шунингдек, 8-турга ташриф буюрган томошабинлар кўрсаткичи эълон қилинди. Унда энг юқори кўрсаткич 2050 нафар мухлисни ташкил этади.

9-тур учрашувлари 16–18 май кунлари ўтказилади.

ҚИРҒИЗ РЕСПУБЛИКАСИ

Ўзбекистонлик футболчилар

Абдуғани Камолов («Абдиш-Ата»), Исмоил Абдуракҳмонов, Сарвар Аблаев, Жамшид Кобулов, Элдор Маматказин, Мирзокҳид Маматхонов, Нуриддин Нуриддинов, Муҳаммадали Турсунов (барчаси – «Алай»); Азамат Максумов, Тимур Набиев (барчаси – «Асиагол»); Дадахон Юсупов («Илбирс»), Шерзод Абдуллаев («Қирғизолтин»), Азиз Косибхонов («Мурас Юнайтед»), Фарҳод Мираҳмадов, Сирожиддин Башриддинов («Нефтчи»), Хушнуд Бозоров, Рустам Қучқоров, Шоҳруҳбек Муратов, Отабек Мўминов, Исмоилхон Охунхонов, Акмал Раҳимов, Шукуржон Рустамжонов, Марадона Сафаров, Беҳруз Шодмонов, Андрей Сидоров, Саидумар Содиқов, Жасурбек Умрзоқов (барчаси – «ЎшСУ-Алдиер»); Ислом Абдуллаев, Иззатилла Абдуллаев, Жаҳонгир Қушоқов, Жавоҳир Соҳибов (барчаси – «Ўзган»), Улуғбек Шарипов, Нурмуҳаммад Тошпўлатов (барчаси – «Талант»).

Қирғиз Республикаси чемпионатида 9-тур ўйинлари ортда қолди. Турнир жадвалида «Мурас Юнайтед» пешқадамлик қилмоқда. Бир очко ортда бораётган «Алай» энг яқин таъқибчи ҳисобланади. 

Тўпурарлар жадвалида «Нефтчи» ҳужумчиси Эльдар Молдожунусов 6 та гол билан етакчилик қилмоқда. «Қирғизолтин» ҳужумчиси Нурбол Бактибеков ҳисобида 5, «Дордой» ярим ҳимоячиси Кими Меркда 4 та гол мавжуд.

10-тур ўйинлари 15–18 май кунлари ўтказилади.

ТУРКМАНИСТОН

Туркманистон чемпионатида тақвимга кўра 10-тур ва ундан сўнг негадир дарҳол 14-турнинг ҚОЛДИРИЛГАН ўйинлари ўтказилди. 10-турда қуйидаги натижалар қайд этилди: 

«Марв» – «Ашхобод» – 2:0

«Шагадам» – «Небитчи» – 1:0

«Копетдаг» – «Аҳал» – 0:3

 Ҳали етиб келинмаган 14-турнинг қолдирилган ўйинларида эса қуйидаги натижалар қайд этилди:

 «Аркадағ» – «Небитчи» – 3:0

«Копетдаг» – «Шагадам» – 0:1

Турнир жадвалида 10 ўйиндан 24 очко жамғарган «Аҳал» пешқадамлик қилмоқда. «Аркадағ» 7 ўйинда 21 очко тўплаган ҳолда иккинчи ўринда бормоқда.


Оқил Абдубарноев тайёрлади.

Рейтинг:    

Фикрлар

   
15 май 13:10:11
Шахрух Палванов Палванов
Тожикистон чемпионати хеч кимга кизик болмаса керак
championat.asia
< сўнгги янгиликларни кўриш
Яндекс.Метрика