Манчини Швейцария билан ўйиндан сўнг: "Италия ҳақли равишда ғалабага эришди"

"Биз яхши ўйнадик. Ўйин қийин ўтди. Швейцария - кучли ва жисмонан бақувват жамоа. Бизда аввалига баъзи муаммолар бўлди, бироқ кейин ўйинимиз чиқди ва ҳақли равишда ғалаба қозондик. 

Ўйин ғолиби ҳақидаги саволларга эртароқ нуқта қўйишимиз мумкин эди, чунки кўплаб вазиятлар яратдик. Аммо барча тепилган тўпларнинг дарвозага кирмаслиги нормал ҳолат. Йигитлар ажойиб ишлашди. 

Локателли эса ажойиб ўйин ўтказди. Ярим ҳимоячи иккита гол уриши осон эмас. Биринчи голда яхши комбинация ташкил этилди. Иккинчисида эса индивидуал маҳорат барчасини ҳал қилди", - деди Манчини.