Бразилиялик футболчининг отаси бир неча кун аввал «Манчестер Сити» раҳбарияти билан учрашган. «Шаҳарликлар» футболчига «Реал»га нисбатан анча катта маош таклиф қилишган. Шунингдек, Родригога ҳужумнинг исталган чизиғида ўйнаш ваъдасини беришган. «Манчестер Сити» футболчининг трансфери учун 100 миллион евродан кўпроқ тўлашга тайёр.
Родриго жорий мавсум «Реал» сафида 41 та учрашувда майдонга тушди. Унинг ҳисобида 13 та гол ва 8 та голли узатма бор. Футболчининг амалдаги шартномаси 2028 йилнинг ёзига қадар мўлжалланган.
