Максим Шацких: "Декабрь ойида барчасини сарҳисоб қиламиз. Ўйинни назорат қилдик ва рақибга имконият бермадик"

- Ўйин ҳақида

- Яратган вазиятларимиздан унумли фойдалана олганимизда таблодаги ҳисоб бошқача кўриниш олган бўларди. Ҳар бир учрашувдан олдин йигитларга ўзимизга ўзимиз муаммо тўғдирмасак, бизга ҳеч ким муаммо ярата олмайди. Пенальти белгиланган эпизодларни кўриб чиқдим. Ҳар доим таъкидлайман йигитлар баҳсли вазиятлар бўлса бизга қарши қарор белгиланади деб. Ҳакамларни назорат қиладиган органлар бор. Тўп рақиб футболчисининг қўлига текканида эса, қўл табиий ҳолатда экан. Кечириб қоясиз, аммо бу икки ҳил талқин қилиш. Биринчи бўлимда вазиятларни голга айлантира олганимизда барчаси бошқача якун топган бўлар эди. Биз ўйинни тўлиқ назорат қилдик.

- Бугун "Пахтакор" ҳужумкор ўйин намойиш этди, "Насаф" эса иккинчи рақам бўлиб ҳаракатланди. Бу жиҳат жамоангизнинг ўйинни ўсиб бораётганидан далолат. Ёзда амалга оширилган трансферлардан кўнглингиз тўлдими?

- Албатта. Бизга деярли барчаси ўҳшаяпти. Декабрь ойида барчасини сарҳисоб қиламиз. Ўзимиз истаган футболчилар билан шартнома имзоладик. Уларга адаптация учун бироз вақт керак холос.

- "Пахтакор" жамоасининг бош мураббийи сифатида фаолият юритишни бошлаганингиздан бери "Насаф"ни мағлуб эта олмаяпсиз. Олти баҳсда тўрт мағлубият ва иккита дуранг. Бундай натижанинг сабабини айтиб ўтсангиз?

- Мен статистикага эътибор бермайман. Бу футбол. Энг муҳими, якунда эгаллайдиган ўрнимиз. Декабрь ойида сарҳисоб вақти келади. Олдинда бизни кўп учрашувлар кутмоқда. Ҳар бир жамоага мағлуб бўлимиз ва ҳар қандай жамоа устидан ғалаба қозонишимиз мумкин.