ЛаЛиганинг энг яхшилари аниқланди. Месси яна бир соврин қўлга киритди ва рекорд ўрнатди (+ФОТО)

"Барселона" ҳужумчиси Лионель Месси Испания чемпионатининг энг яхши футболчисига топшириладиган Альфредо Ди Стефано совринини қўлга киритди. Аргентиналик бешинчи маротаба ушбу совринга эга чиқди ва рекорд ўрнатди. Ҳозиргача Альфредо Ди Стефано совринини ҳеч ким беш марта қўлга киритмаган. "Реал" ҳужумчисида 4та шундай соврин мавжуд.

Бундан ташқари, Мессига 2016/17 мавсум якунларига кўра Пичичи соврини (энг яхши тўпурар) топширилди. Леонинг уйида яна 3та шундай соврин бор.

Каталония клубининг яна бир футболчиси Андрес Иньеста ўтган мавсумнинг энг яхши испаниялик футболчиси деб топилди.

Marca томонидан топширилган бошқа сорвинлар:

Ян Облак - Замора соврини (энг яхши дарвозабон);

Яго Аспас - Сарра соврини (энг яхши испаниялик тўпурар);

Мендилибар ("Эйбар") ва Гаритано ("Леганес") - Мигель Муньос соврини (энг яхши мураббий);

Мартинес Мунуэра - Гурусета соврини (энг яхши ҳакам).