Ла Лига етакчиларидан бири "Олтин бутса" соҳиби билан шартнома имзолади
02 сен 14:30
Янгиликлар

Ла Лига етакчиларидан бири "Олтин бутса" соҳиби билан шартнома имзолади

Испаниянинг "Вильярреал" клуби "Лион"нинг грузиялик ҳужумчиси Жорж Микаутадзе билан битим тузди.

"Лион" ўзининг расмий сайти орқали трансфер ҳақида маълум қилди.

24 ёшли футболчи 36 млн евро эвазига "Вильярреал"га ўтмоқда. Бу сумманинг 31 миллионини "Лион" олиши кафолатланган, қолган 5 миллионини эса бонус сифатида олади. Шартномага кўра, Франция клуби Микаутадзенинг келажакдаги қайта сотилишининг 10 фоизини ўзида сақлаб қолади.

"Вильярреал" Ла Лиганинг 3-туридан сўнг 7 очко жамғарган "Барселона" билан турнир жадвалида 3-ўринни бўлишиб турибди. Бундан ташқари, "сариқ сувости кемаси" 2025/26 йилги Чемпионлар Лигасининг умумий босқичида иштирок этади.

Ҳавола :

Манба : ol.fr

Янгиликларни Телеграмда ўқинг!

Рейтинг: +2