Копа Америка-2019. Аргентина мағлубият билан бошлади

Бразилияда бўлиб ўтаётган Копа Американинг дастлабки тур учрашувлари старт олди. "B" гуруҳи вакили Аргентина терма жамоаси мусобақанинг илк ўйинини Колмубияга қарши ўтказиб 0:2 ҳисобида имкониятни бой берди. 

Учрашувнинг биринчи бўлимида ҳисоб очилмади. Танаффусдан кейин 71-дақиқада Рожер Мартинес жамоасининг дастлабки тўпини киритиб Колумбияни ҳисобда олдинга олиб чиқди. 86-дақиқага келиб Дуван Сапата ҳисобни 2:0 кўринишга келтирди. Месси жамоадошлари ҳарқанча ҳаракат қилмасин, вазиятни ўнглай олишмади. 

Аргентина навбатдаги учрашувни Парагвайга қарши ўтказади. Бугун гуруҳнинг иккинчи ўйини Парагвай - Қатар баҳси бўлиб ўтади. 

Копа Америка-2019. "B" гуруҳи. 1-тур

Аргентина - Колумбия 0:2

Голлар: Рожер Мартинес, 71. Дуван Сапата, 86. 

Аргентина: Франко Армани, Ренцо Саравия, Херман Пеццелья, Николас Отаменди, Николас Тальяфико, Жовани Ло Чельсо, Гидо Родригес (Гвидо Писарро, 67), Леандро Паредес, Анхель Ди Мария (Родриго Де Паул, 46), Лионель Месси, Серхио Агуэро (Матиас Суарес, 79). 

Колумбия: Давид Оспина, Стефан Медина, Ерри Мина, Давинсон Санчес, Вильям Тесильо, Вильмар Барриос, Хуан Куадрадо (Жефферсон Лерма, 64), Матеус Урибе, Хамес Родригес, Луис Мурьель (Рожер Мартинес, 14), Радамель Фалькао (Дуван Сапата, 81). 

Огоҳлантириш: Гидо Родригес, 42,  Ренцо Саравия, 52, Леандро Паредес, 55 - Радамель Фалькао, 19, Хуан Куадрадо, 60, Дуван Сапата, 87, Жефферсон Лерма, 90+4.  

Бош ҳакам: Роберто Тобар (Чили).