Финалиссима УЕФА ва КОНМЕБОЛ қарори билан бекор қилинди. Нега?

"Муҳим ўйинни сақлаб қолиш учун қатъий қарорни кўрсатиб, жуда қисқа вақт ичида бундай муҳим ўйинни қолдиришнинг маълум қийинчиликларига қарамай, УЕФА бошқа мумкин бўлган альтернативаларни кўриб чиқди, аммо уларнинг ҳар бири охир-оқибат Аргентина футбол ассоциацияси учун номақбул бўлиб чиқди.

Биринчи вариант ўйинни Мадриддаги "Сантьяго Бернабеу" стадионида дастлабки санада мухлисларни трибуналарда 50 га 50 нисбатда бўлиш орқали ўтказиш эди. Бу бундай нуфузли тадбирга муносиб жаҳон даражасидаги шароитларни таъминлаган бўларди, аммо Аргентина бундан бош тортди.

Иккинчи вариант Финалиссимани икки босқичда ўтказиш эди - бири 27 март куни "Сантьяго Бернабеу"да, иккинчиси эса Буэнос-Айресда Евро-2028 ва Америка кубоги олдидан халқаро танаффус пайтида, яна мухлисларни 50 га 50 га бўлиш орқали. Бу вариант ҳам рад этилди.

Охир-оқибат УЕФА Аргентинадан Европада нейтрал жой топилса, ўйин режалаштирилганидек 27 мартда ёки 30 мартда ўтказилишига кафолат беришни талаб қилди. Бу таклиф ҳам рад этилди.

Аргентина ўйинни жаҳон чемпионатидан кейин ўтказиш бўйича қарши таклиф билан чиқди, чунки Испанияда бўш саналар йўқ, бу вариантни истисно қилишга тўғри келди. Ниҳоят, ўйин 27 март куни бўлиб ўтиши керак бўлган дастлабки келишилган режага зид ўлароқ, Аргентина фақат 31 март куни ўйнашга тайёрлигини айтди, бу сана имконсиз бўлиб чиқди.

Афсуски, якунда Финалиссиманинг бу ўйини бекор қилинди”, — дейилади УEФА расмий сайтидаги баёнотда.