Туринликлар А Серия мавсумини турнир жадвалида 6-ўринда якунлашди.
"Бу — муваффақиятсизлик ва мен буни инкор этмоқчи эмасман. Биз яқин келажак учун пойдевор яратган эдик, аммо натижалар кутилганидек бўлмади. Ичимдан нималар ўтаётганини жуда яхши ҳис қиляпман.
Биз яна бир футболчининг кетишини кутяпмиз. Бу кутилмаган совға бўлади деб айта оламан. Аммо биз, шунингдек, УЕФА билан тузилган келишувга асосан риоя қилиниши керак бўлган молиявий талаблар фонида жамоанинг умумий даражаси юксалишини ҳам кутмоқдамиз.
– Йилдизнинг келажаги сўроқ остидами?
– Кулгимни қистатманг, Кенан ҳеч қаерга кетмайди.
Капитални ошириш режалаштирилмаган ва ҳар қандай ҳолатда ҳам трансфер бозорида ундан фойдалана олмас эдик. Спаллетти ҳамма нарсани билади ва вазиятни тушуниб турибди, биз мана шу йўналишда иш тутишга мажбурмиз. Бироқ бу рақиблардан ўзиб кета оладиган "Ювентус"ни барпо эта олмаймиз дегани эмас", — деди Комолли.
