Жуниньо Депай ҳақида: "Лион" "Барселона"дан расмий таклиф қабул қилмади"

"Биз "Барса"дан расмий таклиф қабул қилмадик. Жиддий жароҳатга қадар Мемфисга президент Оласадан шартномани узайтириш бўйича таклиф бўлганди, аммо у ўйлаб олиш учун вақт олганди. 26 ёшли ўйинчининг шартномасига бир йил қолган ва унга "Барса" қизиқмоқда. Умуман Мемфиснинг позицияси бироз кучлироқ.

Қачонки таклиф келиб тушса, ўшанда ўйлай кўрамиз. У бизнинг сафимизда бу мавсум ҳам сардор сифатида қолиши ва бир йилдан сўнг эркин агент мақомида кетиши ҳам мумкин. Президент битимни узайтиришга уриниши ҳам мумкин, аммо буни қилиш қийин бўлади деб ўйлайман.

Мемфис терма жамоага йўл олиши олдидан биздан ҳеч нарса сўрамади. У менга "Барса" унга қўнғироқ қилмаганини айтди", - дейди Жуниньо.