Жавоҳир Сидиқов: "Футболчи ўз ўйинидан завқланиб ўйнаши керак"
20 сен 2016 19:13
Янгиликлар

Жавоҳир Сидиқов: "Футболчи ўз ўйинидан завқланиб ўйнаши керак"

Теглар : Қўқон-1912 Жавоҳир Сидиқов

“Қўқон-1912”-“Металлург” жамоалари ўйинидан сўнг қўқонликларнинг ёш ярим ҳимоячиси Жавоҳир Сидиқовнинг ўйин ҳақидаги фикрларини сўрадик.

- Мен Қўқонга келиб олий лигада ўйнашни бошладим. Ўйинлар анча шиддатли ва қизиқарли. “Қўқон-1912”нинг 1-даврадаги ўйинларини кўрмаганман. Мухлисларнинг айтишларича иккинчи даврада жамоамиз анча мазмунли ўйин кўрсатмоқда. Шу ўринда Қўқонлик мухлисларга раҳмат айтмоқчиман, улар бизни аьло даражадан ҳам ортиқ қўллаб туришибди. Агар ўйинимиз мухлисларга ёқса хурсандмиз.

“Металлург” билан ўйинга келсак ҳисоб йирик бўлиши ҳам мумкин эди. Бекоболиклар етакчи жамоалардан очко тортиб олаётган кучли жамоа, лекин биз ютишимизга ишондик ва шунга яраша уч очкони қўлга киритдик. Футболчи майдонда ўзига ишониши керак ва ўз ўйинидан завқ олиши керак деб ўйлайман. Ўзингизни ўйинингиздан завқ олмасангиз, мухлислар ҳам сизни томоша қилиб завқ ололмайди - дейди Жавоҳир Сидиқов.

"Қўқон-1912" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +10