Жасур Холтўраев: "Ғалаба қозониш учун майдонга чиққандик"
22 окт 2021 20:47
Янгиликлар

Жасур Холтўраев: "Ғалаба қозониш учун майдонга чиққандик"

Суперлиганинг 23-туридан ўрин олган “Сурхон” – “Қизилқум” (1:0) учрашувидан сўнг мезбонлар футболчиси Жасур Холтўраев билан суҳбатлашдик. Айтиш керакки, Холтўраев ўйинда ягона муаллифига айланди.

- Ўйиндан олган таассуротларим жуда яхши. Гол уриш учун ажойиб вазият юзага келди ва ундан унумли фойдаландик. Шунинг эвазига ғалаба қозондик. Бизга уч очко жуда муҳим эди. Буни “Қизилқум”га қарши кечган баҳсда эга қўлга киритдик. Бу орқали эса турнир жадвалидаги ҳолатимизги яхшилаб олдик.
Мазкур баҳсдан аввал “Қизилқум”ни қандай бўлмасин мағлубиятга учратамиз деган мақсадга майдонга чиққандик. Чунки мавсум якунланиб бормоқда ва ҳар бир ўйиндаги очко муҳим аҳамиятга эга ҳисобланади. Мақсадимиз йўлида бирлашган ҳолда ғалабани тантана қилдик.
Бугун гол уришни мақсад қилган ҳолда майдонга чиққандим. Муҳим гол уриб, “Сурхон” ғалабасига ҳисса қўшаман деб ният қилгандим. Ғалабага ҳисса қўша олганимдан хурсандман. Кейинги ўйинларда ҳам жамоага ўз ёрдамимни беришни истайман”, - дея сўзини якунлади Холтўраев.

Ҳавола :

Манба : championat.asia

Янгиликларни Телеграмда ўқинг!

Рейтинг: +2