Жасур Жалолиддинов: “Абрамов ҳеч қандай рақибдан қўрқмайди”

Якунда ушбу ғалаба “қалдирғочлар”га плей-офф йўлланмасини тақдим этди. Ушбу учрашувдан сўнг, майдонда фаол ҳаракатлари билан ғалабага муносиб улуш қўшган Жасур Жалолиддинов ўйин борасидаги фикрларини билдириб ўтди.

“Муҳими ўйлаган мақсадимизга эришдик. Учрашув қизиқарли курашларга бой тарзда ўтди. Янги қўшилган футболчилар жамоамизга мослашиб кетишди. Рақиб кучли эканлигини билар эдик. Шунга яраша ҳозирлик олиб бордик. Биз бугун деярли Ироқ терма жамоасига қарши ўйнадик. Бугунги ғалабани унутамиз ва кейинги баҳсга тайёрланамиз. Гуруҳ босқичига чиқиш учун боримизни берамиз. Биз ўз кучимизга ишонамиз. Кейинги босқичда қийин бўлишини биламиз. Мураббийимиз ҳеч қандай рақибдан қўрқмайди ва шу нарсани футболчиларга ҳам сингдира олган”, - деди ёш футболчи Жасур Жалолиддинов.

Абдулазиз Искандаров ёзиб олди