"Биринчи навбатда рақибни ғалаба билан табриклайман. Биз учун аламли мағлубият. Ҳимояда қўпол хатоларга йўл қўйдик. Бундай ҳолат барибир бир кун рўй бериши керак эди, аммо бундай йирик мағлубиятга лойиқ эмасдик", - дея гап бошлади Исломбек Исмоилов.
- Бугунги учрашувда беш нафар асосий таркиб футболчиси йўқ эди. Ушбу жиҳат бугунги ўйин натижасига қанчалик таъсир қилди?
- Бу баҳона бўлиши керак эмас. Таркибимизда уларнинг ўрнини тўлдира оладиган футболчилар бор эди. Умуман ўйинни оладиган бўлсак, "Бухоро" қарши ҳужумларда ўйнади. Биргина хато ва рақиб пенальтидан ҳисобни очди. Ундан кейин эса ҳисоб тенглашди. Иккинчи таймда эса рақиб яна гол урди. Барча голлар оддий хатолардан сўнг рўй берди. Барчасида индивидуал хатоларга йўл қўйдик. Умуман олганда эса ёмон ўйнамадик.
- Бугунги ўйин натижаси руҳий жиҳатдан кейинги ўйинларга босим бўладими?
- Ушбу ҳолатдан тезроқ чиқиб кетишга ҳаракат қиламиз. Ўйинни таҳлил қилиб, хатолар устида ишлаймиз.
- Биринчи даврадаги баҳс билан солиштирганда "Бухоро"нинг ўйинида қандай ўзгаришлар сездингиз. Бугун рақиб қандай ноқулайликлар туғдирди?
- "Бухоро" биринчи даврада ҳам шундай услубда ўйнаган эди. Ўшанда ҳам пенальтидан гол уришган эди. Деярли ўзгаришсиз ўйин услуби. Мураббийнинг услуби яққол сезилиб турибди.
https://youtu.be/IDGwVbF9LzY?si=PYXPeDPjsWoKbgJ2
