Можаро нима ҳақида?
Эслатиб ўтамиз, Жозе Моуринью ўйиндан сўнг Винисиуснинг ҳар бир стадионда можароларга сабаб бўлишини айтган ва унинг гол нишонлашини танқид қилган эди. Бу эса кўпчилик томонидан ирқчиликни билвосита оқлаш сифатида қабул қилинди.
Зеедорфнинг муносабати:
Зеедорфнинг фикрича, ҳеч қандай провокация ирқчиликка асос бўла олмайди:
"Менимча, Моуринью ҳали ҳам ҳиссиётлар таъсирида. У ирқчиликни оқлаш орқали катта хатога йўл қўйди. У Винисиус қаерга борса, шундай воқеалар содир бўлишини айтмоқда. Бу билан у: «Агар Винисиус сени провокация қилса, ирқчи бўлиш нормал ҳолат», деган маънони беряпти. Бу мутлақо нотўғри!
Биз ҳеч қачон, ҳеч қандай шароитда ирқчиликни оқлашимиз керак эмас. Винисиус эса одамларнинг бундай асоссиз ҳаракатларидан чарчаган. Мухлисларга кимдир рақс тушса ёки шунга ўхшаш иш қилса, ирқчи бўлиш мумкинлигини уқтирмаслигимиз керак", — деди Зеедорф.
"Special One"нинг ички дунёси:
Шу билан бирга, Зеедорф Моуринью аслида бундай фикрда эмаслигига ишонишини қўшимча қилди:
"Биламан, Жозе қалбининг тубида менга қўшилади. Лекин у жуда ноўрин ифода ишлатди".
Мадрид ва Лиссабон ўртасидаги "жанг" майдондан ташқарида ҳам ҳақиқий афсоналар ўртасидаги баҳсга айланиб кетди.
