UZ

Сўнгги янгиликлар

00:53"Реал"нинг Хёйсенни четлатилиши бўйича берган апелляцияси рад этилди  0 00:30ОЧЛ-2. "Аркадағ" - "Андижон" 0:0  1 00:05ЕЧЛ. "Бавария" - "Челси" (онлайн ҳисоб)  11 00:05ЕЧЛ. "Ливерпуль" ўз уйида "Атлетико"ни қабул қилмоқда (онлайн ҳисоб)  12 23:54ОЧЛ 2. Эроннинг "Истиқлол" клуби "Ал Васл"га ўта йирик ҳисобда мағлуб бўлди. Ўзбек футболчилари қайдномада йўқ эди  1 22:53ОЧЛ 2. "Андижон"нинг гуруҳидаги иккинчи ўйинда ҳам дуранг қайд этилди  20 22:32Тақиқланган модда Мудрикнинг қонига терма жамоа йиғини пайт тушгани маълум бўлди  0 22:02Анри "Арсенал" ҳақида: "Уларда деярли иккита жамоа мавжуд. Бу йил албатта бирор нарса ютиш шарт"  3 21:10Хейсен «Сосьедад»га қарши ўйиндаги ўз четлатишини ВАР бекор қилиши керак эди деб ҳисоблайди  6 20:38ОЧЛ-2. "Андижон" меҳмонда "Аркадағ" билан дуранг ўйнади  122 19:36Гвардиола «Ман Сити»ни ЧЛда ғолибликка даъвогар деб ҳисобламайди: «Аниқ йўқ. Фақат лаҳзалардан роҳатланиб, бу ерда бўлганимиздан хурсандмиз»  6 18:31Собиқ ҳакам Буррул «Реал»нинг иккинчи пенальтиси ҳақида: «Нотўғри белгиланган. Ўйинчи йиқилди, қўл ҳаракати табиий»  35 17:29"Қизилқум" майдондан чиқишни хоҳламаган футболчи билан шартномани бекор қилди  14 17:15Қайси клуб ҳозирги таркиби учун энг кўп пул сарфлаган?  9 16:50Пролига 15-турида ишловчи расмийлар  0

Интервью. Обид Жўрабоев: "Бухорода футбол бор, биздан кейин ҳам бўлади" Янгиликлар

Интервью. Обид Жўрабоев: "Бухорода футбол бор, биздан кейин ҳам бўлади"

Кечадан эътиборан "Бухоро" стадионига катта футбол қайтди.

 Муҳташам арена 2 йилдан сўнг яна учрашувларни қабул қила бошлади. Ҳаким Фузайлов шогирдлари кеча қайтишни ўзгача ғалаба билан нишонлашди десак, муболаға бўлмайди. "Хоразм"га қарши кечган ўйинда 3:2 ҳисоби қайд этилди. Ўйиндаги голлардан бирига эса "Бухоро"нинг тажрибали футболчиси Обид Жўрабоев муаллифлик қилди. Учрашувдан сўнг Обид Жўрабоевни суҳбатга чорладик. 

- Кечаги рақиб таркиб жиҳатдан кучсиз бўлсада, ўйин томонлама кўп жамоаларга бош оғриқ бўлмоқда. Ўз майдонида "Андижон"ни мағлуб этишни уддасидан чиққанди. Ҳар бир ўйинда охиригача кураш таклиф қилмоқда. "Бухоро" жамоаси учун мазкур баҳс қандай ўтди?

- Ниҳоят ўз майдонимизда ўйин ўтказдик. Албатта байрамона руҳ кезиб юрди. Натижадан ҳам маълумки, ўйин осон ўтгани йўқ.  Вазиятларни голга айлантирганимиз фойда келтирди. "Хоразм" анча ёш ва шижоатли жамоага айланган. Хатолардан фойдаланиб кетишади. Майдон жуда яхши ҳолатда эканлигига гувоҳ бўлдик. Нима бўлган тақдирда ҳам мухлисларга ғалаба тортиқ қилишимиз талаб қилинарди. Мазкур ўйингоҳда яна чиройли ғалабалар билан уларни хурсанд қилмоқчимиз. 

- Жамоанинг асосий қуроли стандарт вазият бўлди. Мазкур кўрсатма рақибдан келиб чиқиб берилганмиди ёки бу секин-аста жамоанинг услубига айланиб боряптими?

- Тўғри айтдингиз. Стандартлардан самара чиқара олдик. "Хоразм"ни ўрганганимизда уларнинг ҳимояси стандарт вазиятларда кўп хато қилаётганини пайқадик. Машғулотларда, назарий суҳбатларда бу борада гаплашдик. Аввалги ўйинларда ҳам бурчак, жарима зарбалари орқали гол урганмиз.  

-  Шавкат Саломовнинг узатмасини голга айлантирдингиз. Қизиғи "Динамо"да ҳам айнан қанотлардан, жарима тўпларидан берилган паслардан сўнг рақиб дарвозасини ишғол қилгансиз...

- Шавкат Саломов жамоамиз етакчиси ва ўйинни бошқарувчиси. Унда бой тажриба бор. Ҳимоячи ўйин давомидаги хавфли вазиятларда тўғри позиция танлай олиши керак. Ҳаким Қаюмович доим машғулотларда айтиб келадилар. Гоҳида ўзим ҳам гол уришимни сезаман. Кеча майдонга чиқишдан аввал тўп киритишни ният қилгандим. 

- Обид Жўрабоев иккинчи ёшлигини ўтказяптими?

- Тўғрисини айтсам футболчилик фаолиятимни бугун бошлагандек ҳис қилмоқдаман. Ёш футболчиларнинг олдида ўрнак бўлиб икки ҳисса куч билан ҳаракат қилишим керак. 

- Бухорога футбол қайтди десак бўладими ёки бундай хулосага эртами?

- Бухорода футбол олдиндан бор, биздан кейин ҳам бўлади. Мақсадимиз жамоани Суперлигага қайтариш. 

- Кейинги турни "Арал Самали"га қарши ўтказасизлар. Улар эса суъний майдонда тўп тепади...

- Суъний майдонда барчага қийин. Қандай майдон бўлишидан қатъий назар ғалаба учун ўйнаймиз. 

Муаллиф : Iskandarov Abdulaziz
Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика