GAZZETTA DELLO SPORT Шомуродов ҳақида: "Женоа" Элдорадони топди"
11 янв 18:13
Янгиликлар
GAZZETTA DELLO SPORT Шомуродов ҳақида: "Женоа" Элдорадони топди"
"Италия матбуоти Шомуродов ва унинг ўйинларидан, маҳоратидан ақлдан оза ёзган. Баллардини эса шундай фикрлайди: "Элдор машғулотларда ҳам ўзини аямайди. У жуда яхши ҳолатда. Лекин эндиликда мен у ҳақида кўп гапирмасликни маъқул кўраман".
Газета муаллифларидан бири Грималди Шомуродов ҳақида мақола тайёрлади. У биринчи галда футболчининг ижтимоий тармоқлардаги расмларига эътибор қаратди. "25 ёшлик ўзбекистонлик футболчининг инстаграмдаги Муҳаммад Салаҳ ва Жозе Моуриньо билан тушган суратига 133 минг изоҳ ва 30 мингта лайк босилган. У сўнгги учрашувларда урган голини ўғли Мустафога бағишлашини омма яхши қабул қилди. Журналистнинг таъкидлашича Россия ва Ўзбекистоннинг охирги пайтларда Генуяга қизиқиши кучайган. Москва шаҳрида ютуб каналини юритувчи кичик ёшдаги Истомин Шомуродовнинг "Женоа" либосини кийган ҳолда ўйинни шарҳлади.
Элдор клубдаги биринчи кунларидан бошлаб италиян тилини ўрганишга ҳаракат қилмоқда. Жамоадаги тактик тушунчаларни илғаб олиши учун унга ингилис тили етарли эмас. Бунда унга молдовалик Думбравану кўмаклашмоқда. Генуяда Шомуродов "дунёдаги энг яхши таом" деб атайдиган паловни тайёрламайдилар. У бундан норози бўлиши мумкин, лекин кўникиб бормоқда. У февраль ойида оиласини бағрига боради ва шундагина севимли таомини истеъмол қилиши мумкин. Грималдининг сўзларига кўра Шомуродов ўз вақтида "Бунёдкор"да ўйнаганида Ривалдога тўп узатиб турган.
Клуб Шомуродовнинг ўйинидан мамнун. Генуяликларнинг сўзларига кўра у жуда нозик ўйнайди, тез-тез ҳаракат йўналишини ўзгартиради, тўпни мохирлик билан бошқаради. Шунингдек бундан ташқари кўп ишларни амалга оширади. Буни "Сассуоло" билан ўйиндан сўнг Баллардини алоҳида таъкидлаб ўтди. "Элдор нафақат ажойиб сифатга балки, бетакрор маҳоратга эга". Маълумотларга қараганда жамоа ҳам Элдорга ажойиб муносабатда. Пьяца ва Бадель унга янги йилни биргаликда кутиб олишни таклиф қилган.
Умуман олганда унинг фаолиятида аниқ ўсиш кузатилди. Натижада Италиянинг йирик клублари қизиқаётганлиги ҳақида хабарлар тарқалди. "Болонья" билан ўйиндан сўнг "Ювентус" спорт директори Паратичи клуб ва футболчининг вакиллари билан боғланган. Албатта, дарҳол трансферлар ҳақида гаплашишмаган. Аммо, "Ростов" собиқ футболчисига атрофдагиларнинг эътибори барчани хурсанд қилмоқда", - деб ёзади Иван Карпов телеграмдаги ўз каналида.
Ўхшаш янгиликлар
championat.asia
А Серия. "Женоа" сафарда "Аталанта" билан дуранг ўйнади. Элдор Шомуродов учрашувда тўлиқ ҳаракат қилди 
Юрген Клопп: “МЮ олдинга қараб “учмоқда”, “Ливерпул”да эса муаммолар бор. Бироқ...”
АПЛ. Марказий ўйинда ғолиб аниқланмади, "Манчестер Юнайтед" пешқадамликни сақлаб қолди
Эшитдик-да. "Пахтакор" ЦСКА, "Эвертон" ва "Монако"да ўйнаган футболчининг трансферидан воз кечди
Фикрлар
Италия футболининг бугунги кундаги энг қудратли клуби ҳисобланган “Ювентус”нинг ўзбекистонлик ҳужумчига қизиқа бошлагани, албатта, генуялик мухлисларни ҳам бефарқ қолдирмади.
Қизиғи шундаки, Элдорнинг барча мухлислари унинг Турин клубига кўчиб ўтишини истаётган ва буни интиқлик билан кутаётган бўлса, “Женоа” ишқибозлари Шомуродовдан айрилишни хоҳламаяпти ва улар ҳужумчининг Туринга кетишига қарши. Генуяликлар Элдор тимсолида жамоанинг янги юлдузи ва халоскорини кўрмоқда. Буни уларнинг "Женоа“ расмий тармоқларида қолдираётган изоҳларидан ҳам билиб олиш мумкин.
Анъанага кўра, эътиборингизга генуялик мухлисларнинг “Болонья”га қарши ўтказилган учрашувдан кейин Элдор Шомуродов фаолиятига доир билдирган фикр-мулаҳазаларини тақдим этамиз.
Sergio Pesenti:
Жамоа ўзгаряпти ва янгидан шаклланмоқда. Баллардини тўғри йўлни топди. Шомуродов унинг ўйин схемасига мос тушди.
Daniela Mariani:
Шомуродов яна зўрлигини кўрсатди. Энди Баллардини унга тўлиқ ишонч билдиришига шубҳа йўқ. Элдор жамоанинг айни пайтдаги энг зўр ҳужумчиси.
Alessandro Gigli:
Элдорнинг бўйига нисбатан тезлиги фантастик даражада экан. “Лацио”, “Сампдория” ва “Болонья” билан бўлган учрашувларда унинг тўпни катта тезликда олиб юриши гол уришимизга замин яратди.
Monica Fiorello:
Шомуродов кетма-кет учинчи ўйинда голли ҳужумда бевосита иштирок этди. Менимча, у ҳозир жамоанинг энг фойдали ўйинчиси ҳисобланади.
Angelo Cisana:
Элдор тез югуришга уста экан. Агар у қанотларда ўйнаса, тезкорлиги билан янада кўпроқ фойда келтириши мумкин.
Nico Campana:
Шомуродов ва Баллардини жамоани хавфли ҳудуддан қутқарди. Бу жамоа ривожланишига ишонаман.
Alma Martini:
Элдор яна зўр ўйнади. Кейинги пайтда унинг ўйини ҳайратланарли даражада ўзгарди.
Mario Colombo:
Мен Шомуродов гол урмаганидан хурсандман. Голсиз ҳам у жамоага жуда катта фойда келтирди. Агар ўзи ҳам тўп киритганида “Ювентус” Элдорни аниқ олиб кетарди.
Massimo Medisio:
Элдор “Ювентус”нинг ишончини оқлаш учун зўр футбол ўйнай олишини кўрсатиши керак. Ундан доим ёрқин ўйин кутамиз.
Giovanni Santerini:
Жамоа энди Шомуродов учун ўйнасин! У ҳозир зўр формада ва ҳужумни Элдорнинг атрофида шакллантириш лозим.
Marco Pontini:
Элдор “Ювентус”да ўйнаса, янада кучаяди. “Женоа”да эса, Роналду ҳам ўзини кўрсата олмасди!
Rinuccia Fazio:
Forza Eldor! Forza Genoa!
манба sports.uz