Англия Футбол ассоциацияси (FA) футболчига нисбатан номақбул хулқ-атвор бўйича айблов эълон қилди.
Воқеа ўйиннинг 78-дақиқасида юз берган. Магуайр ўз жарима майдончаси ичида фол ишлатиб, майдондан четлатилган эди. Ушбу пенальтини Эли Крупи аниқ амалга ошириб, "Борнмут"га дуранг тақдим этган. Бироқ асосий можаро қизил карточкадан сўнг бошланди.
"Гарри Магуайр майдондан четлатилганидан сўнг тўртинчи ҳакамга нисбатан ҳақоратли сўзлар ишлатгани ва ўзини номақбул тутгани аниқланган. Ушбу ҳолат бўйича унга расмий айблов қўйилди", — дейилади Футбол ассоциацияси баёнотида.
Энди нима бўлади?
Магуайр 2 апрелга қадар ушбу айбловларга жавоб бериши керак. У қизил карточкаси учун автоматик равишда бир ўйинга четлатилган ва 13 апрель кунги "Лидс Юнайтед"га қарши баҳсни ўтказиб юборади. Агар ҳакамни ҳақорат қилгани тасдиқланса, дисквалификация муддати узайтирилиши мумкин.
Англия терма жамоаси ҳимоячиси учун мавсумнинг ҳал қилувчи палласида бундай тартибсизлик жамоаси учун катта йўқотиш бўлиши аниқ.
