Футзал бўйича Осиё чемпионати. Ўзбекистон жой олган гуруҳ ҳақида нималарни биламиз?

Ушбу мусобақада Ўзбекистон футзал миллий терма жамоаси ҳам иштирок этади. Вакилларимиз "B" гуруҳидан жой олган. Гуруҳдаги рақибларимиз: Туркманистон, Тожикистон ва Баҳрайн.

Осиё чемпионатида 16та жамоа 4тадан 4 гуруҳга бўлинган. Гуруҳ ўйинлари якунига кўра, иккитадан жамоа кейинги босқичга йўл олади. 

Дастлаб барча гуруҳларни келтириб ўтамиз: 

"A" гуруҳи: Қувайт, Ироқ, Таиланд, Уммон.

"B" гуруҳи: Ўзбекистон, Баҳрайн, Тожикистон, Туркманистон. 

"C" гуруҳи: Эрон, Ливан, Хитой Тайпейи, Индонезия.

"D" гуруҳи: Япония, Вьетнам, Жанубий Корея, Саудия Арабистони.

Гуруҳимиздаги ўйинлар тақвими қуйидагича кўриниш олган:

1-тур. 27 сентябрь

Баҳрайн - Тожикистон

Ўзбекистон - Туркманистон

2-тур. 29 сентябрь

Тожикистон - Ўзбекистон

Туркманистон - Баҳрайн

3-тур. 1 октябрь

Тожикистон - Туркманистон

Ўзбекистон - Баҳрайн

Унутманг! Қувайтдаги мусобақа ҳисоб бўйича 17-футзал Осиё чемпионати ҳисобланади.

Терма жамоалар ҳақида маълумот:

ЎЗБЕКИСТОН футзал терма жамоаси

Осиё чемпионатларидаги иштироки: 15

Энг яхши натижаси: Финалчи (4 марта - 2001, 2006, 2010, 2016)

Бош мураббий: Баҳодир Аҳмедов

БАҲРАЙН футзал терма жамоаси

Осиё чемпионатларидаги иштироки: 2

Энг яхши натижаси: Чорак финал (1 марта - 2018)

Бош мураббий: Марселино Апаресидо да Сильва

ТОЖИКИСТОН футзал терма жамоаси

Осиё чемпионатларидаги иштироки: 10

Энг яхши натижаси: Чорак финал (1 марта - 2007)

Бош мураббий: Пайрав Воҳидов

ТУРКМАНИСТОН футзал терма жамоаси

Осиё чемпионатларидаги иштироки: 6

Энг яхши натижаси: Гуруҳ босқичи

Бош мураббий: Гуванч Канаев

Биласизми? Туркманистон 10 йиллик танаффусдан сўнг футзал бўйича Осиё чемпионатида иштирок этади.

P.S. Ўзбекистон футзал терма жамоасидан бу мусобақада қандай натижа кутяпсиз? Ўз фикрингизни изоҳларда қолдиринг.