Футбол оламида илк бор: жамоа шифокори – Ёзувчилар уюшмаси аъзоси

Уларнинг вазифалари ва мақсадлари турлича. Аммо футболни ижод билан боғловчи инсонлар спортда ҳадеганда топилавермайди. Футбол ва адабиётда илк бора кузатилаётган – жамоа шифокори сифатида фаолят юритиб, ёзувчилик мақомига эришган Аброр Пирриев ҳаётида янги эврилиш! 

“Локомотив” жамоаси шифокори, ЎФА тиббий қўмитаси раиси Аброр Пирриев куни кеча Ўзбекистон Ёзувчилар уюшмаси аъзолигига қабул қилинди. Уюшма раиси Сирожиддин Саййид томонидан топширилган аъзолик гувоҳномаси нафақат тажрибали шифокоримизни, балки бутун футболимизни буюк адиблардан меърос ижод олами билан чамбарчас боғловчи рамзий кўприк бўлишига ишонамиз. Аброр Пир Муҳаммад тахаллуси билан ижод қилувчи ёзувчи-шифокоримизга келгуси ишларида омад, ижодларига барака тилаб қоламиз.