Фил Фоден Англия терма жамоаси йиғинини вақтинчалик тарк этди

Англия терма жамоаси ярим ҳимоячиси Фил Фоден оилавий масала сабаб терма жамоа қароргоҳини вақтинчалик тарк этди. Футболчи айни дамда Англияга қайтиб кетган. 

Таниқли инсайдер Фабрицио Романо берган маълумотга кўра, Фоденнинг учинчи фарзанди туғилиш арафасида. Фил шу сабабли оиласининг ёнига кетган. Футболчи якшанба куни терма жамоа йиғинига қайтиб келади.

Маълумот учун, Англия терма жамоаси "Евро" гуруҳ босқичининг якунига кўра беш очко тўплаб, биринчи ўринни эгаллади.