ФИФАдагилар зерикиб қолишдими? Улар сариқ карточка ва офсайдларни бекор қилишмоқчи

У жазолаш тизимини ўзгартириш ҳақида тушунтириш берди: "Вақтинчалик жазо - бироз қўрқинчлироқ. Ўн киши бўлиб 11 футболчига қарши ўйнаш қийин. Менда анчадан бери баскетболдаги каби қоидани жорий қилиш ғояси бор - бешта қоидабузарлик ва сен майдонни тарк этасан.

Офсайд борасида тўхталадиган бўлсак, уни бекор қилишга кўпчилик қарши бўлиши мумкин. Мен эса акси, чунки сўнгги вақтда футбол кўпроқ гандболга ўхшаб қолган. Тўққиз футболчи ва дарвозабон худди девордек жарима майдончасини ёпиб олишади" - дейди ван Бастен.

Голландиялик пенальтилар серияси ўрнига буллитлар сериясини қўллаш ва хатто бу тизим гуруҳ босқич ўйиларида ҳам бўлишини таклиф қилди.

"Буллитлар серияси? Ҳар бир жамоада бешта имконият бўлади. Ҳакам хуштак чалади ва футболчи 25 метрдан дарвозага яқинлашиб кела бошлайди. У саккиз сония ичида зарба бериши керак. Посбон ўз жарима майдончасида бўлади ва уни тарк эта олмайди. Агар биринчи уринишда тўп қайтарилса ёки гол бўлса буллит якунланади" - қўшимча қилади ван Бастен.