Эшитдик-да! "Бунёдкор" бугун "Олимпик" ўйинчиси билан шартнома тузади
30 июл 2024 14:09
Янгиликлар

Эшитдик-да! "Бунёдкор" бугун "Олимпик" ўйинчиси билан шартнома тузади

Бугун мамлакатимизда ёзги трансфер ойнаси ёпилади. Ойна тунги 00:00да расман ёпилади.

24 июль куни "Бунёдкор" жамоаси "Олимпик"нинг чап қанот ҳимоячиси Аҳмадулло Муқумжоновни ўз сафига қўшиб олаётгани ҳақида хабар берган эдик.

Эшитдик-да! "Олимпик"нинг яна бир футболчиси Суперлиганинг бошқа клубига ўтмоқда

"Championat.asia" олган маълумотга кўра, "қалдирғочлар" Муқумжонов билан ўзаро келишувга эришган ва бугун шартнома имзолашади. Трансфер ҳуқуқи ОКМКга тегишли бўлган 22 ёшли футболчи "Бунёдкор"да мавсум охирига қадар ижара асосида тўп тепади.

Маълумот учун, Аҳмадулло Муқумжонов жорий мавсум Суперлига ва Ўзбекистон кубогида жами 15 та ўйин ўтказди ва битта гол уриб, 4та ассист қайд этди.