Эрик тен Хаг: "Жамоа мен истаган ўйинни намойиш қилиб берди"

"Жуда яхши ўйин кўрсатдик. Тўпли ва тўпсиз ўйинимиз жуда фаол бўлди.

Жамоа мен хоҳлаган ўйин услубини намойиш қилди. Ўтган давр мобайнида биз машғулотлардаги ҳаракатларни ўйинга ҳам кўчира оляпмиз. Ҳар доим ғалаба қозонишни истаймиз. Йигитлар шунга мос ўйин кўрсата олишди деб ўйлайман.

Ёш футболчилар асосий жамоа билан фантастик ўйнашмоқда. "Манчестер Юнайтед" ёшларни етиштириб чиқарадиган машҳур клублардан бири. Буни биз амалда ҳам кўриб келяпмиз.

Барчада ишонч бор, Коби Майно ҳам ишончли ўйин кўрсатяпти, унинг ўйини менга маъқул келмоқда. У баҳорда жароҳат олганди, аста-секинлик билан ўзига келяпти. Барчамиз хурсандмиз. Ҳозир таркибимизда ёшлар кўп, уларнинг барчасининг даражаси яхши.

Премьер-лига жуда оғир мусобақа. Шундай бўлса ҳам ушу мавсумда ёшларга ҳам имконият беришни режалаштиряпмиз. Бизда мақсадлар улкан", - деди тен Хаг.