Гвардиола Аморимнинг истеъфосига муносабат билдирди

Манкунианликлар ўз қарорини 5 январь, душанба куни эълон қилишди.

"Ҳа, [мураббийларга] тобора камроқ вақт берилаётгани ҳақиқат. Энцо [Мареска] билан ҳам худди шундай бўлган эди. Энцо сингари, у [Аморим] ҳам юқори малакали мураббий. Бу қарор қўшниларимиз томонидан қабул қилинди ва мен унга келажакда энг яхши тилакларни билдираман.

Англия, Испания ва ерманияда вазиятлар жуда ўхшаш. Менимча, мураббий ўйинларда ғалаба қозонмаса, хавфсиз бўладиган мамлакат йўқ. Одатда, натижага эришилмаса, ўтмиш ёки бугуннинг аҳамияти қолмайди.

Сени ғояларингни баҳолаб ишга олишади ва натижаларингга қараб ишдан бўшатишади. Баъзида жараён ва вақт талаб этилади. "Юнайтед" ўз майдонида учта ўйинда ғалаба қозона олмади - 70 дақиқа давомида майдонда 10 кишидан иборат бўлган "Эвертон"га, "Борнмут" ва "Вулверҳэмптон"га қарши. Улар "Арсенал"га яқин бўлиши мумкин эди, очколар фарқи жуда оз. Бундан ташқари, "Манчестер Юнайтед"да ҳозир бизникига ўхшаб кўп ўйинчилар сафда йўқ. Футболчилар Африка Кубогида иштирок этаётганда ва муҳим ўйинчилар сафда бўлмаганда бу жуда қийин," - дея Гвардиоланинг сўзларини Manchester Evening News келтиради.