Эрик тен Хаг: "Доимо жамоамга ишонганман"
17 дек 2023 16:11
Янгиликлар

Эрик тен Хаг: "Доимо жамоамга ишонганман"

"Манчестер Юнайтед" бош мураббийи Эрик тен Хаг ўзининг келажаги ва жамоасига ишониши ҳақида гапирди.

Жим Рэтклиффнинг "Манчестер Юнайтед"га келиши ҳақида
"Бу ҳақида ҳеч нима дея олмайман. Бу иш билан бошқалар шуғулланади. Биз эса буни кутишда давом этамиз. Бор эътиборимни ўз ишимга қаратганман. Жамоа яхши ўйин кўрсатиши ва ривожланиши керак"
"Ливерпуль"га қарши ўйин, Бруну Фернандеш, Харри Магуайр, Каземиро, Кристиан Эриксен ва Лисандро Мартинеснинг ўйнамаслиги ҳақида
"Жамоамда маҳорат бор, буни футболчилар майдонда кўрсатишлари керак. Бу жамоа муҳим учрашувларда катта босим остида ўзини кўрсатиб, яхши ўйин кўрсата олишини намойиш қилган. Биз баланд парвоз қилгандек, энди жуда чуқурликка қуладик. Жамоа барқарор бўлиши керак.
Доимо жамоамга ишонганман. Исталган ўйин олдидан ғалаба учун ҳаракат қилганман. Шу сабабли бугунги баҳсда ҳам ғалаба учун ўйнаймиз. Нима учун? Чунки бизнинг йўлимиз, принципларимиз, ўйин услубимиз ғалабага йўл бериши мумкин", деди тен Хаг.

Бугун "Ливерпуль" ва "Манчестер Юнайтед" жамоалари иштирокидаги баҳс 21:30да старт олади.

Ҳавола :

Манба : The Telegraph

Янгиликларни Телеграмда ўқинг!

Рейтинг: -4