Эмери финалдан олдин нималар деди?

"Ўзимиз билан фахрланамиз. Энди сўнгги қадамни ташлаш керак. Бу билан бизнинг лойиҳаларимиз сустлашмайди ва тўхтаб ҳам қолмайди.

Европа лигасида сўнгги йилларда рақобат анчагина ошган. Ўз навбатида "Вильярреал" ҳам мавсум давомида ҳақли ғалабаларга эришди. "Манчестер Юнайтед"га жанг таклиф қилиш учун доимо яхши жисмоний ҳолатда бўлиш керак.

Клубимизнинг тарихи ажойиб онларга жуда бой, бироқ уларнинг аксарияти яқин ўтмишда юзага келди. Шу давр мобайнида МЮ кўплаб клублардан устунлигини намойиш қилди. Лекин бизнинг қарашларимиз ўзгача ва бу финалда фойда келтириши мумкин.

Машғулотларда мушук-сичқон ўйнамаймиз. Биз ўйинни назорат қилиш бобида ишлаймиз. Ўйинда эса МЮга кучли томонларини кўрсатиш учун имкон қолдирмаслигимиз керак.

Ҳар бир финал бошқача қабул қилинади. Мен шу кунга қадар финалларга аутсайдер сифатида борган жамоа билан ишлаганман. Барча ўйин олдидан шундай фикрлар билдирганди. Эртага ҳам ўз ишимизни бажаришга ҳаракат қиламиз. Рақибни ҳар томонлама ўрганиб чиқдик.

МЮда жароҳатланганларнинг ўрнини боса оладиган футболчилар етарлича. Рақибни ҳурмат қилиш керак. Бу турнир, бу финал, унда ғалабага эришиш керак. Унда иккинчи имконият тақдим қилинмайди", - деди Эмери.