Дракслер ПСЖнинг мағлубиятида Эмерини айбламоқда
07 мар 2018 14:26
Янгиликлар

Дракслер ПСЖнинг мағлубиятида Эмерини айбламоқда

ПСЖ ярим ҳимоячиси Юлиан Дракслер парижликларнинг Чемпионлар лигасидан чиқиб кетганидан сўнг жамоа бош мураббийи Унаи Эмерининг қарорларига эътибор билдирди.

ПСЖ "Реал"га қарши 1/8 финал учрашувида мағлуб бўлди ва соврин учун курашдан чиқди.

"Ғазабда эдим. Ҳисобни тенглаштирдик, бироқ ҳеч нима ўзгармади. Прессинг уюштириб, ҳужум ташкил қилишда давом этиш керак деб ўйладим. Футболчидан айрилдик. Хатто мувозанатни тиклаганимизда ҳам стадион бизга ишонмади, чунки ПСЖга ҳаракатчанлик етишмади.

"Реал" ишончли ғалабага эришди, биз уларни асабийлашишга мажбур қила олмадик. Тўпни у ердан бу ерга думалатдик, аммо бундай услубда гол ура олмайсан. Орқа-олдинга пас беравермасдан, "Реал"га босим ўтказиб, 1:3 ҳисобини йўққа чиқариш керак, ахир голлар осмондан тушмайдику. Бироқ биз илк дақиқалардан "Реал"га прессинг уюштирмадик ва адолатли равишда мусобақани тарк этдик" - дейди Дракслер.

Ҳавола :

Манба : ZDF

Янгиликларни Телеграмда ўқинг!

Рейтинг: +40