"Динамо" Майкон Дуглас билан бир ярим йиллик шартнома имзолади
29 июл 17:55
Янгиликлар

"Динамо" Майкон Дуглас билан бир ярим йиллик шартнома имзолади

Теглар : "Динамо" Самарқанд Майкон Дуглас

Суперлига 2-даврасидан олдин Самарқанднинг "Динамо" жамоаси ўз таркибини кучайтиришни ният қилган.

"Динамо" ПФК жамоаси ёзги трансфер ойнасида бразилиялик Майкон Дуглас билан 2025 йилнинг охирига қадар белгиланган шартнома имзоланганини эълон қилди. 23 ёшли таянч зона вакили Самарқанд жамоасига эркин агент сифатида қўшилди.

Майкон ҳозиргача Бразилиянинг "Магуари" клубида фаолият юритаётган. Йил бошида Ратиньо ҳам "Динамо" сафига ушбу клубдан келиб қўшилганди. Дуглас шунингдек, Бразилиянинг "Калденсе", "Витория", "Ботафого" ва Япониянинг "Осака ФК" клуби шарафини ҳимоя қилган.

"Динамо" жамоасига хуш келибсан, Майкон!", - дейилади клуб хабарида.

Маълумотнома:
Тўлиқ исм-шарифи: Майкон Дуглас да Силва Нерис
Туғилган йили ва жойи: 2001 йил 11 апрел, Корурипи, Бразилия.
Бўйи: 177 см
Амплуаси: таянч ярим ҳимоячиси.

Ҳавола :

Манба : "Динамо" клуби матбуот хизмати

Янгиликларни Телеграмда ўқинг!

Рейтинг: +7