Дидье Дешам: “Ярим финалда ким билан ўйнашимизни қизиғи йўқ”
06 июл 2018 23:20
Янгиликлар

Дидье Дешам: “Ярим финалда ким билан ўйнашимизни қизиғи йўқ”

Франция терма жамоаси бош мураббийи Дидье Дешам ЖЧ-2018 чорак финалида Уругвай устидан (2:0) қозонилган ғалабадан кейин ўйин ҳақидаги фикрлари билан ўртоқлашди.

-Яхшиям иккита гол уриб олдик, чунки Уругвай дунёдаги энг яхши ҳимояга эга жамоалардан бири. Жиру ҳақида гапирадиган бўлса, ҳа, у ҳали у гол урмади. Лекин у биз учун муҳим футболчи. Албатта ҳужумчи гол уриши шарт. Аммо Оливье рақиб ҳимоячиларини ўзининг ортидан эргаштириб, Мбаппе ва Гризманн учун имконият яратмоқда.

Уругвай яхши жамоа, аммо биз маҳоратимизни намойиш эта олдик. Яна бир устунлик томонимиз таркибимизда иқтидорли ёшлар кўп. Янада яхшироқ ўйнашимиз мумкин эди, бироқ иккинчи бўлимда кўпроқ ўйинни назорат қилдик.

-Ярим финалда ким билан учрашишни истардингиз?

-Фарқи йўқ. Биз Белгия ва Бразилияни қандай кучга эга эканлигини биламиз. Уларнинг ҳар иккиси билан ҳам ўйнашга тайёрмиз”, дейди Дешам.

Ҳавола :

Манба : Спорт-Экспресс

Янгиликларни Телеграмда ўқинг!

Рейтинг: +6