ФИФА ЖЧ иштирокчиси бўлган ҳар бир футболчи учун 3D-профиль яратади
08 янв 18:01
Янгиликлар
Навбатдаги Жаҳон чемпионати ҳақиқатан ҳам инқилобий бўлади. Янги технологияларни жорий этиш учун ФИФА футболчиларнинг ўзи билан ҳам ишлашга қарор қилди — Шимолий Америкада бўлиб ўтадиган мундиалда иштирок этадиган ҳар бир ўйинчи учун индивидуал профиль яратилади.
BBC хабарига кўра, ФИФА сунъий интеллект ёрдамида 1248 нафар футболчининг 3D-моделини яратади. Бу ярим автоматик офсайдни аниқлаш тизимининг тўғри ишлаши учун зарур.
Бу жараён футболчиларнинг кўп вақтини олмайди: ҳар бир ўйинчи махсус сканер учун камерага киради, бутун жараён бор-йўғи бир сония давом этади ва у фақат турнир олдидан ўтказиладиган фотосессия пайтида бир марта амалга оширилади.
Сканерлашдан мақсад — масалан, Англия чемпионатида кузатилгани каби баҳсли ҳолатларнинг олдини олиш. Илгари "Ньюкасл" ва "Манчестер Сити" ўртасидаги ўйинда "ҳаккалар"нинг голи пайтида ярим автоматик офсайд графикасида Рубен Диаш сакраб тургандай кўриниб, бу телевизион трансляциядаги манзарага мос келмагани сабабли катта баҳс юзага келган эди.
Ушбу тизим аллақачон синовдан ўтказилган — у ФИФА Интерконтинентал Кубогида "Фламенго" ва "Пирамидс" ўртасидаги тўқнашувда қўлланган.
Ўхшаш янгиликлар
championat.asia
Ўзбекистон U-23 терма жамоаси мусобақани ғалаба билан бошланди. Стартда Ливанни енгдик
Испания Суперкубоги. "Барселона" "Атлетик"ни ўта йирик ҳисобда таслим этиб, финалга йўл олди
АПЛ. "Манчестер Сити" "Брайтон" билан ўйинда яна очко йўқотди. Ҳусанов тўлиқ ўйнади
Равшан Ҳайдаров: "Уч очко қўлга киритилди. Болаларча қилинган хатолар Эронга қарши ўйинда такрорланмайди деб умид қиламан"
Фикрлар