Даҳшатли талаб! "Атлетико"нинг 55 минг мухлиси финалга бормоқчи, аммо чипталар етмайди
18 мар 17:44
Янгиликлар

Даҳшатли талаб! "Атлетико"нинг 55 минг мухлиси финалга бормоқчи, аммо чипталар етмайди

Испания Кубоги финали учун "Атлетико" сосьосларидан (клуб мухлислари) тушган чипта буюртмалари сони ажратилган квотадан икки баравардан ҳам ошиб кетди.

13 йилдан сўнг яна финалда:

18 апрель куни Севильяда бўлиб ўтадиган ҳал қилувчи финал баҳсида Мадриднинг "Атлетико" клуби "Реал Сосьедад"га қарши майдонга тушади. Эслатиб ўтамиз, мадридликлар 2013 йилдан бери илк бор Испания Кубоги финалига йўлланма олишди.

Жойлар қандай тақсимланади?

Клуб матбуот хизматининг маълум қилишича, финал учун нақ 54 385 нафар сосьос чипта сўраб мурожаат қилган. Бироқ мадридликлар учун стадиондан жами 25 680 та жой ажратилган бўлиб, унинг 85 фоизигина клуб аъзолари учун кафолатланган.

Шундай қилиб, "Атлетико" аъзоларига "Сосьедад"га қарши ўйин учун бор-йўғи 21 828 та чипта тегади. Яна 1050 та чипта расмий фан-клублар ўртасида тақсимланса, 160 таси имконияти чекланган мухлисларга берилади. Чипталар савдосига 23 март куни старт берилиши режалаштирилган.

Ҳавола :

Манба : Marca

Янгиликларни Телеграмда ўқинг!

Рейтинг: +2